Kuza iJaguar ehamba ngogesi
ABATHANDI bezimoto ezihamba ngogesi sebengaqala baqongelele imali njengoba emenyezeliwe amanani eJaguar I-PACE ezotheleka kuleli ekuqaleni konyaka ozayo.
Le moto izofika ngezinhlobo ezine okuyi-S, SE neHSE kuphinde kube neyakhiwe kwaba yisibalo esincane yekhethelo iFirst Edition.
Zonke izinhlobo zifika nebhethri elifanayo elingu-90Kwh elakhelwe phansi.
Amandla ayo angu-294 kW ne-torque engu696 Nm kanti bathi lokhu kuyenza ikwazi ukusuka ku-0 iye ku-100km/h ngemizuzwana engu-4.8. Uma uyishaje yagcwala bathi ikwazi ukuhamba ibanga elifinyelela ku-470km.
IJaguar I-PACE S ifika namarimu angu-20 inch, LED headlights, izibuko zasemaceleni ezishisayo kusuke inkungu, luxtec sport seats, Touch Pro Duo, 12.3 inch Interactive Driver Display, MeridianTM Sound System, Navigation Pro, Connect Pro Pack, ikhamera ngemuva, cruise control enespeed limiter, park pack ehlanganisa ukubika uma kukhona imoto eqhamuka ngemuva, park assist nokokunye.
I-SE yona ifika namarimu angu-20 inch, Premium LED headlights, ivuleka ngogesi ibhuthi, izibuko zasemaceleni ziyazidima futhi ziyashisa, izihlalo zesikhumba, Touch Pro Duo, Navigation Pro, Smartphone Pack, Driver Condition Monitor, ikhamera ngemuva, Park Pack neDrive Pack ehlanganisa i-Adaptive Cruise Control ekwazi ukuma iphinde isuke, high-speed emergency braking neBlind Spot Assist.
I-HSE ifika namarimu angu-20 inch ayi-5 spoke, Matrix LED headlights, izihlalo zangaphambili ziyashisa futhi ziphinde zibande kanti nezangemuva ziyashisa, nokunye okutholakala kwiSE.
IFirst Edition isuselwe kwiHSE kodwa kwengezwa amarimu yahluka ngamarimu angu-20 inch split spoke, panoramic sunroof, iwindscreen eshisiswayo, isiteringi esishisiswayo, Activity Key, Active Air Suspension nokunye.
KwaJaguar bathe amanani esiteshi sokuyishaja ekhaya azoqinisekiswa uma sekusondele ukuthi yethulwe kodwa izintambo zokuyishaja odongeni endlini eyejwayelekile aphuma nayo. Amanani Jaguar I-PACE S Jaguar I-PACE SE Jaguar I-PACE HSE Jaguar I-PACE First Edition R1 687 200 R1 745 400 R1 820 900 R1 920 700