Lizobolela ejele iphoyisa eligwetshwe odilika
LIZOBOLELA ejele iphoyisa laseMnambithi eligwetshwe odilikajele abayisithupha neminyaka engu-50 ngaphezulu yiNkantolo eNkulu yaseMgungundlovu ngamacala okubulala nokuzama ukubulala.
ULungisani Mgaga (30) obezinze eGoli ugwetshelwe amacala ayisithupha okubulala namacala amahlanu okuzama ukubulala. Elinye lamacala alahle uMgaga ngelaba ngundabamlonyeni lokubulawa kwabantu ngesikhathi besendaweni yokuwasha izimoto eZakheni ngo-2014 lapho kwabulawa khona abantu abahlanu.
Ngo-Okthoba 11, 2014, iMercedez Benz kuthiwa yayihamba abantu abahlanu emgwaqweni uPieters ngesikhathi ihlaselwa ngabantu abangaziwa, esehlakelweni okwashona kusho umuntu oyedwa kwathi laba abane baphuthunyiswa esibhedlela.
Kungakapheli ngisho ihora kwenzeke leso sigameko, kwaba nesinye isehlakalo sokudubula endaweni yokuwasha izimoto lapho kwadutshulwa khona abantu abahlanu bafa.
Abashona endaweni yokuwasha izimoto ngoMnuz Muzi Dlamini, Mnuz Sfundo Dlamini, Mnuz Mlungisi Dlamini, Mnuz Menzi Mvelase noMnuz Makhekhe Mathebula. Zombili lezi zigameko zabe sezibikwa esiteshini samaphoyisa Ezakheni.
Okhulumela amaphoyisa KwaZulu-Natal, uLt Colonel Thulani Zwane, uthe ngemuva kophenyo olunzulu uMgaga wabe eseboshwa mayelana nalezi zigameko zombili.
UZwane uthe uMgaga usabhekene namanye amacala okubulala eKZN asawahamba.
UMgaga kuthiwa wayeyinkabi esetshenziswa ngabathile empini edlule nemiphefumulo eminingi ebiphakathi komndeni wakwaGamede nowakwaMabaso.
libike kaningi ngezigameko zokubalwa kwabantu eZakheni lapho bekusolakala khona isandla sikaMgaga.
Ugcine futhi esenukeka nasezehlakalweni zokubulawa kwabantu eBergville njengoba aboshelwa khona ngo-2015 mayelana necala lokudubula erenki yamatekisi kwashona isikhulu samatekisi.