Ubonga ababukeli ngamavoti owama-Idols
UBONGA abantu bakuleli ngokufeza iphupho lakhe leminyaka uGavin Wratten oyinjini ohlelweni ama-Idols SA.
Ngeledlule kuvele ukuthi abantu bakuleli abangabalandeli bakaThando, Thato noYanga bavote kwaze kwafinyelela ku-1.1 million.
UGavin uthe ezinhlelweni zakuleli lolu hlelo ngolokuqala ukuthi lufinyelele kulesi sibalo futhi ngalokho abekho okumele bababonge kodwa ababukeli balo.
“Ngesikhathi luqala mina noProverb esibambisene naye kwesokuba ophrojusa balolu hlelo sakuveza ukuthi sinephupho lokuthi amavoti afinyelele esigidini. Kodwa sathi lokhu sifuna kwenzeke ohlelweni lokugcina hhayi kusaqhubeka uhlelo. Simangele lokhu kwenzeka kusaqhubeka uhlelo njengoba besithi kuzokwenzeka kuleli sonto sekuvotwa okokugcina,” kuchaza uGavin.
Uthe kuwona wonke amazwe analolu hlelo elakuleli elesibili ukufinyelela kulesi sibalo samavoti.
“I-USA ike yafinyelela kulesi sibalo samavoti ngakho-ke silandela yona. Simatasa manje silungiselela isizini entsha ka-15 kodwa sisasezingxoxweni noMzansi Magic,” kuchaza uGavin.
Kuleli sonto kuphume uThando kulolu hlelo kwasala uThato no-Yanga abazotholana phezulu esiqeshini sokugcina.
Akulula ukuqagela ukuthi ubani ongase abe namavoti amaningi phakathi kwabo njengoba benenqwaba yabalandeli.
Ohlelweni lokugcina oluzobe lusakazwa bukhona eCarnival City ngeSonto kuzonandisa u-AKA, Kwesta, Black Coffee, DJ Tira noMlindo the Vocalist.
UGavin uthe kuningi okunye abakufihlile okuzokwenzeka kulolu hlelo okuzojabulisa abaningi.
“Ngacula umculo wokholo iminyaka engu10 ngabe sengingena kwiReggae. Nganginamadreads ngisho ekhanda ngoba ngithi ngifuna ukuhluka futhi umculo wami ukwazi ukuthandwa yiwo wonke umuntu,”