UTHWELE KANZIMA U-KHUNE KUSUKELA NGAMADEVU
KWESINYE isikhathi umuntu uke athi uzishintshela isitayela kanti useziqhatha nolaka lwabantu ikakhulukazi uma ungumuntu osemehlweni abantu kumbe usaziwayo njengonozinti wokuqina kwiKaizer Chiefs nakwiBafana Bafana, u-Itumeleng Isaac Khune.
Insizwa yaseVentersdorp ngomunye wabadlali iqhawe lakho umalume uPotshoza, elibakhonzile kunobhutshuzwayo waseNingizimu Afrika.
Nokho le nsizwa imethusile umalume ngesonto eledlule ivumbuka namadevu aqinile. La madevu awethusanga uPotshoza kuphela kodwa nabalandeli bakanobhutshuzwayo imbala.
Abalandeli beChiefs bashiye abangalazi kuKhune ngemuva kokwehlulwa yi-Orlando Pirates ngo 2-1 eMoses Mabhida Stadium ngoMgqibelo. Babodwa abebemfanisa nensizwa edlala indawo kaMjekejeke kwiThe Queen edlala nsuku zonke ngo-9 ebusuku kuMzansi Magic.
“Ucabanga ukuthi ungawina iSoweto Derby ubeke uMjekejeke ezintini?” Ibimehla kanje uKhune eminye imiyalezo. Abanye bebesola lo nozinti ngokubadelela uma ecabanga ukuthi ababoni ukuthi usenga ezimithiyo uma ethi uneminyaka ewu-31 ubudala.
Iqiniso lapho ukuthi neqhawe lakho uPotshoza liyahluleka ukubamba insini uma libuka izithombe zikaKhune nesitayela sakhe samadevu. Yena ungathi insizwa esiqinile ngempela kodwa-ke uPotshoza akayona leyo nhlobo, iqhawe lakho aliyona le nhlobo ephikisa abantu ngeminyaka yabo. umdlalo, ngisho ukungena enkundleni phakathi ngisondelane namabhentshi amaqembu womabili.
Leli qhawe eliwuPotshoza lingene enkundleni ngemizuzu yawo-60 kanje, ngaleso sikhathi bekusewu 1-1 kulo mdlalo weTelkom Kkockout ogcine uphele ngo 2-1 kunqoba eZimnyama.
Cha, kunzima ukuba umdlali wala maqembu, ikakhulukazi kulo mdlalo walolu hlobo. Lokhu uPotshoza ukuzwe ezihambela phakathi enkundleni ukuthi umuzwa wakhona, ungakwenza uphanjanelwe yikhanda uma ungumdlali obhayizayo. Nokho okuxake iqhawe lakho ukuthi ibhentshi leChiefs lisebenza ngendlela ehlukile. UGiovanni Solinas opheka Amakhosi ngimbone ekhuluma imizuzwana mhlawumbe emibili uma ingemithathu nephini lakhe uPatrick Mabedi. Ngibone esesukuma uMabedi esebiza umdlali. UPotshoza uzibuzile ukuthi amaqhinga okudlala uwathola nini lo mdlali? Baxoxa nini uSolinas noMabedi ngabakufuna kumdlali osuke ezongena? Akukwazi phela ukuthi umuntu asuke ebhentshini ashaye amangqamungqeshe angene enkundleni afufutheke nje, wake wakuzwaphi lokho? Nokho ngithe uma ngibuka ibhentshi leZimnyama, ngavuma ukuthi uRulani Mokwena kukhala esakhe isicathulo kuleliya qembu, phansi umona! Uma ungazi uMokwena uwu “Zonke Bonke” kwiBucs. Ake ngehle kancane ngobonda ngigcine ngokusithela. kwakhe emasontweni edlule njengoba eseqalile ukuzivocavoca.
Kuleli sonto iqembu lifake i-video kaVilla ematasatsa nemishini ezivocavoca ngemuva kokuhlinzwa onyaweni lwangakwesokunxele.
Walimala ngesikhathi esekhempini yeBafana Bafana ngo-Okthoba idlala owobungani neSuperSport United.
Ngemuva kokuhlinzwa kuvele ukuthi uVilakazi ngeke abonakele isizini yonke. Kodwa ngendlela uPotshoza ambone ezimisele ngayo ngeke amangale uma kwenzeka elulama ngokushesha kunalokho obekubhekiwe. nomkhankaso wayo wokuxwayisa intsha ngobugebengu njengoba izoba nenkundla yokucobelelana ngolwazi ihambisana namaphoyisa kule mpelasonto.
Izosebenzisa umzuliswano wemidlalo yeMultichoice Diski Challenge (MDC) oseTsakane. NgoLwesihlanu kuzohlanganwa eMndeni Fellowship Christian Centre ngo-10 ekuseni kuya ku-2 ntambama.
Kuzobe kuhlangene abadlali beBidvest Wits, abeSuperport United nentsha ewu-150 yaseEkurhuleni.
I-PSL iqale lo mkhankaso ekuqaleni kwesizini ngenhloso yokufundisa intsha ngobungozi bokuzifaka ebugebengwini bese inxenxwa ukuthi igxile kwezemidlalo.
Njengokujwayelekile emidlalweni ngoMgqibelo nangeSonto kuzongenwa mahhala. Amathikithi atholakala eTsakane Stadium ngoLwesine nangoLwesihlanu ngo-1 ntambama kuya ku-6 ntambama.