Isangoma sigqugquzela ukuvikela ingculazi
NJENGOBA kugujwa usuku lokugqugquzela abantu bazivikele kwigciwane lengculazi kusasa, uNksz Silungile Mtambo (43) oyisangoma nophila negciwane lengculazi usenxuse ukuthi abelaphi bendabuko bangashiywa ngaphandle ezinhlelweni zokulwa naleli gciwane.
UNksz Mtambo ophinde abe ngumqondisi wenhlangano eqwashisa ngegciwane lengculazi, iSouth African Women Ambassadors, ungomunye wabelaphi bendabuko abasebenzisana nemitholampilo nezinhlangano uma belapha iziguli.
Uthe uma iziguli zifika UXWAYISA abanye ukuthi basebenzise amakhondomu ngaso sonke isikhathi owesifazane (25) onegciwane lengculazi.
Owesifazane, osonyakeni wesithathu ezifundweni zakhe zobudokotela esikhungweni semfundo ephakeme i-University of KwaZuluNatal (UKZN), uthe engakatholi ukuthi unegciwane lengculazi ngoJulayi zizokwelashwa akagcini kuphela ngokuzelapha ngokwesintu kodwa uyabheka ukuthi kukhona yini olunye usizo lwezempilo eziludingayo nathe kubalulekile ekulashweni kofuba negciwane lengculazi.
“Omunye umuntu uke afike sikhulume ngezinto zesintu asuke edinga ukulungiselwa zona kodwa ngiyaye ngihlale naye ngixoxe size sifinyelele lapho esikhuluma khona ngegciwane lengculazi. Uma efuna ukuhlolela leli gciwane ngiyameluleka bese ngiyamuhlola ngoba ngikuqeqeshelwe ukwelulekwa nokulihlolela. Uma edinga ukudluliselwa emtholampilo ngimbhalela incwadi eshoyo ukuthi udinga usizo. Kubalulekile ukuthi sikwazi ukusebenzisana nemitholampilo nokuthi nayo isebenzisane nathi,” kusho uNksz Mtambo.
Uthe useke wabona kaningi abantu befika begula abanye bazitshele ukuthi baloyiwe kanti bayagula kodwa abazi.
UNksz Mtambo oseneminyaka engu-21 ephila negciwane lengculazi uthe kufanele kwamukelwe ukuthi abantu abaningi baya kubelaphi bendabuko kuqala uma bedinga usizo lwezempilo. Uthe lokhu kusho ukuthi kufanele kusetshenziswane. Ukhale ngokuthi uyaye adlulisele abantu emitholampilo kodwa yona ayibaniki izincwadi ezithi ababuyele kuyena uma sebelutholile usizo – kunalokhu abanye batshelwa ukuthi bangayi ezangomeni.
Uphinde wagqugquzela abantu ukuthi basebenzise ulwazi abanalo bangagcini ngokuthi bathi bayazi.
“Ngesikhathi ngingenwa yigciwane lengculazi nganginalo ulwazi ngokuvikela igciwane lengculazi kodwa ngenza iphutha lokuthemba uphathina wami wangaleso sikhathi. Ngafunda ukuthi akusizi ukuba nolwazi ube ungawasebenzisi amakhondomu,” kusho uNksz Mtambo.
Uthe okunye okubalulekile nokufanele kwenziwe ukugqugquzela izingane ikakhulu ezamantombazane ukuthi zikwazi ukuzithathela izinqumo ezizosiza ukuthi zizivikele kulesi sifo. UNksz Mtambo uthe kubalulekile ukuthi abazali basondelane nezingane zabo futhi basheshe bakhulume nazo ngezindaba zocansi nokuvikela igciwane lengculazi.