Ibuye isihlukaniswe kathathu iSanta Fe
Isuka ekhasini 2 ISanta Fe yethulwa ngo-2001 kwadayiswa izimoto ezingu-5 331 eNingizimu Afrika njengoba isibuya kabusha manje.
Njengoba isibuyile ihlukene kathathu njengoba kukhona iSanta Fe R2.2 Premium Automatic edonsa ngaphambili, Santa Fe R2.2 Executive Automatic nayo edonsa ngaphambili neSanta Fe R2.2 Elite Automatic ene-HTRAC edonsa ngawo wonke amasondo. I-grille yayo ibukeka njengeyeHyundai Kona esanda kwethulwa kuleli.
Ezokuphepha ziphuculiwe. Umshayeli wayo ukwazi ukukhiya zonke izicabha ngokucindezela ibhathini esicabheni kungabikhona okwazi ukuzivula ngaphandle kwakhe. Lokho kusiza kakhulu uma uhamba nezingane ezithanda ukudlala emotweni.
Injini yayo engu-2.2 litre CRDi inamandla angu-142 kW ne-Torque engu-440 Nm. Inogearbox omusha ozishintshayo oyi-8 speed. Njengoba ezokuphepha ziqinisekisiwe uma kukhona onyakazayo ngaphakathi iyakutshela. Lobo buchwepheshe bubizwa ngeRear Occupant Alert. I-Elite ineElectronic Child Safety Lock.
Iphinde ibe neRear Cross-Traffic Collision-Avoidance Assist ekusiza ngokuthi ikutshele ngemoto eseceleni kwakho ngaphandle kokuthi uze ubuke izibuko.
Uma uhlehla awusizwa amasensa ayo nekhamera eveza ingemuva kwiscreen kuphela kodwa uma kukhona ozokushayisa iphinde izibambele amabhreki ungakashayisi. Inama-ABS (Anti-Lock Braking System), ESP (Electronic Stability Program), DBC (Downhill Brake Control) neHAC (Hill start Assist Control).
Inama-airbags ayisithupha. Kukhona angaphambili amabili, amabili asemaceleni namanye amabili avikele abagibeli abasekugcineni.
AbakwaHyundai bathe inikwe isitifiketi sezinkanyezi ezinhlanu kwezokuphepha i-Euro NCAP crash test.
Ngaphambili i-nescreen esingu-7 inch esiveza izinto eziningi zokungcebeleka nolwazi (infotainment system).
Iphinde ibe nezindawo ezimbili zokuxhuma ishaja yeselula ngaphambili kanti nabagibeli abangemuva banezabo. Uyakwazi nokuvula inkombandlela kwiselula yakho ivele kwi-screen sayo imoto.
IPremium inamasondo angu-18 inch, kuthi i-Executive ne-Elite ibe nawu-19 inch. I-Executive ne-Elite inezinsimbi ezicwebezelayo emawindini.
Ubude bayo bungu-4 770 mm, ububanzi ingu-1 890 mm, kanti i-wheelbase ingu-2 765 mm okwenza abagibeli bahlale kahle.
I-Santa Fe Elite iphinde ibe ne-panoramic sunroof esebenza ngogesi. Inezindlela ezehlukene ehamba ngazo njengoba inoComfort mode, Eco neSport mode. Amanani: Santa Fe R 2.2 Premium automatic - R599 900
Santa Fe R2.2 Executive automatic - R659 900
Santa Fe R 2.2 Elite automatic - R749 900.
Iphuma ne-warranty yeminyaka eyisikhombisa noma u-200 000km, service plan yeminyaka emihlanu noma u-90 000km ne-roadside assistance yeminyaka emihlanu noma u-150 000 km.