Bayazigqaja abakuleli abagqokise uBeyonce
LINGAYEKWA ITHUBA LOKUPHATHA I-AFCON: KHOZA
Mboniseni Roger Ndzenga Shabalala: Ayize vele izinkundla zethu zisezingeni lomhlaba futhi vele zakhelwa ukuba nemicimbi emikhulu.
Umkhakha wezokuvakasha nawo uzohlomula kakhulu abantu sekwabamnandi nje ukugxeka noma into iyinhle!
Themba Zulu: Ngobani? kunini siphoxeka sesifuthe amavuvuzela sacula sasha amazwi yile Bafana Bafana. Ake kuxhaswe abanye ngale mali.
Mabonga Last Born Mathenjwa: Ayize ngoba iBafana ngeke ikuhlungele ukudlala kuyo. Kungcono uma sisingethe. ISILO SIYAZIQHELELANISA ‘NOMNTWANA’
Sbusiso Dludla: Ingane nengane isebenzela ekhaya, benilindeleni kumntwana mbumbulu ngempela?
Mandla Zondi: Inqwaba yamaZulu ibizwa ngabantukazane kodwa lo mbhemu uphiwa ilungelo elikhulu kangaka, kuthiwa asimkhothamele. Wenze kahle, khona niyogcina ukuphisana ngamagugu esizwe.
Mbongeni Shezi: Akusasizi ukuziqhelelanisa, umuntu ngeke esathemba muntu, sidayiswa yibona laba abasiholayo, lo muntu uzoze abizwe ngomntwana engayena owasebukhosi bukaZulu ngobani? KUBOSHWE ‘UMNGANI’ KWELOKUFA KWEKHANSELA
Mabonga Last Born Mathenjwa: Umngani ungabomethemba yingakho mina ngingenamngani, ngicikwa yilezinto-ke umuntu uzenza umngani kanti ukwakhela itulo.
Maxe Khothakome Wodumo: nababemthumile.
Bhekie Zephy: yinkomedla yodwa. Akuboshwe Yingakho nje sengakhekha ukuba
BAYAZIQHENYA abasiki bengqephu ezinye zezingubo zabo ebezigqokwe umculi wase-United States, uBeyonce, ngesikhathi kunomcimbi iMandela 100: Global Citizen Festival.
Unkosikazi kaDJ Black Coffee, u-Enhle Mbali (osesithombeni esincane) ube ngomunye oveze ukuthi ube neqhaza ekuthungeni ingubo eluhlaza okungenye ebigqokwe ilo mculi.
UQuiteria weQuiteria & George obesebenzisana no-Enhle ekuhlanganiseni le ngubo, uthe ukuba yingxenye yethimba eligqokisa lo mculi kube yinto ejabulisayo kodwa ebe nomsebenzi omkhulu.
“Kusijabulise kakhulu ukusebenza nale ntokazi futhi yinto eyosivulela amathuba amaningi kuleli naphesheya kwezilwandle,” kusho uQuiteria.
Uthe okubavulele leli thuba yingoba bake baya emcimbini wemfashini eParis beyokhombisa ngemisiko yabo.
“Kulowo mcimbi kwakukhona uKanye West owathanda omunye umsiko wethu. Sathintwa ithimba lakhe nokuthe sekumenyezelwa lo mcimbi laphinde lasithinta selifunela uBeyonce izingubo azozigqoka. Sabathumelela izingubo ezingu-60 base bekhetha ezimbalwa kuzona,” kuchaza uQuiteria.
Uthe bona bathunge ezintathu kodwa kuzona zonke wagqoka ezimbili.
“Asithungelanga yena kuphela kodwa nabadansi bebethungelwa yithina. Kube umsebenzi omningi kakhulu kodwa ekugcineni sijabule,” kuchaza yena.
Uphinde waveza ukuthi yibona abebelinda lo mculi uma ephuma esiteji esezogqoka enye ingubo nobekuphoqa ukuthi kuphele imizuzu emibili sebeqedile ukumenza konke.
“U-Enhle Mbali nguye owadweba ukuthi lezi zingubo kumele zime kanjani. Usebenze kakhulu, siyabonga futhi uyazinikela emsebenzini wakhe,” kuchaza uQuiteria.
Imizamo yokuthola u-Enhle ayiphumelelanga njengoba ucingo lwakhe belukhala lungabanjwa. Kodwa ku-Instagram ubhale ukuthi uyaziqhenya ngomsebenzi awenzile.