UDINWA UKUNGADLALI KWINDEBE YOMHLABA
AKAKUCABANGI ngisho elele ukuwagaxa emgibeni amakhokho umdlali weBaroka FC waseZambia uDavis Nkausu (32) ngoba kunenkomishi angakakwazi ukuyifaka ekhabetheni lakhe.
Utshele uPotshoza ukuthi okunye okumkhuthazayo ukuthi ngisho kugijinwa bagcina sebebuka izithende zakhe.
“Buka ngoba iBaroka ibophele abadlali abancane kanjani kodwa ngisabathwalisa kanzima uma kugijinywa. Mhla umzimba usuthi hhayi ndoda ungavuki, mhlawumbe ngingakucabanga ukuthi khumu kodwa okwamanje lutho. Ngizizwa ngiwumqemane ngendlela emangalisayo. Ngizizwa ngisenomsebenzi okusafanele ngiwenze ukukhulisa abadlali beBaroka. Leli qembu linginike okukhulu ngakho ngizizwa ngilikweleta. Nanokuthi ngibona ithuba lokuwina iMTN 8 neBaroka kuyangikhuthaza ngoba leyo ndebe iyona kuphela engingakaze ngiyinqobe,” usho kanje lo mdlali obeyingxenye yeZambia edle isicoco se-Africa Cup of Nations (Afcon) ngo-2012.
UNkausu oke wadlala kwiSuperSport United neBloemfontein Celtic uveze ukuthi useke wafunwa yiPirates kodwa wanqaba. Ube ngomunye wabageje iphenathi leli qembu lidla isicoco seTelkom Knockout ngeledlule.
“Cabanga ngoba le phenathi bekungeyona eyokulinganisa kepha bekungeyokuwina. Inkinga ibe sekutheni ngisheshe ngajabula ngingakayishayi. Ngiqambe ngiya kuyona nje, sengicabanga ukuthi uma sengijabula ngizokwenzenjani. Yilokho-ke okwenze ngayibeka eceleni. Angikhali nokho ngoba ngiyaqonda ukuthi uJehova ubazi ukuthi kuzowina thina kodwa ubengahlelile ukuthi kube imina oshayela ispikili sokugcina kwiPirates. UMDLALI waseFrance uKingsley Coman uthi uzowagaxa emgibeni amakhokho uma kungenzeka aphinde alimale. UComan (22), ogijimela iBayern Munich yaseGermany, uthathwa njengomunye wabadlali abancane okubhekwe lukhulu kubona eminyakeni ezayo. Usenqobe izicoco zeligi eziyithupha neParis SaintGermain, Juventus neBayern. NgoFebruwari nonyaka ulimale kabi eqakaleni okuphoqe ukuthi ayohlinzwa kulona. Nokho ngasekuqaleni kwale nyanga uqalile ukudlala kwiBayern. Inkulumo yakhe nesinye isiteshi sethelevishini saseFrance iTF1, ishiye abaningi bezibuza ukuthi ngabe ubesho ukuthini uComan. Okucace bha ngenkulumo yakhe uma ethi uzolishiya ibhola uma ephinda eba neshwa lokulimala, ukuthi unengekile ngokungadlali kwiNdebe yoMhlaba ebiseRussia nonyaka. Sekungumlando ukuthi iFrance ikhale yemuka nalesi sicoco esithathwa njengesiyigugu