Bahlulwe isipho sikakhisimusi abeStars

omqeqeshi obambile uDavid Vilakazi ongazange akufihle ukungenami kwakhe ngendlela abadlale ngayo kulo mdlalo.

Amagoli ePirates ashaywe uThembinkosi Lorch, Justin Shonga noLinda Mntambo, eleStars kube umkhonto ogwaze ekhaya kuHappy Jele.

UVilakazi ubambe izintambo ngemuva kokuthi i-Ea Lla Koto ikhombe indlela uLuc Eymael oyinqobele isicoco seNedbank Cup ngesizini edlule, iqembu laphinde laqeda kwi-Top 8.

Imibiko iveza ukuthi sekuqashwe uNikola Kavazovic okulindeleke ukuthi abe eseqalile ukusebenza ngoJanuwari njengoba kusalindwe amaphepha akhe okusebenza. IStars izovula unyaka neBidvest Wits eGoble Park ngoJanuwari 5.

“Indlela amagoli angene ngayo nje. Elokuqala siyicubungule kaningi leya free kick kodwa akekho olandele umdlali okhahlelile (oshaye igoli). Kwelesibili abadlali basemuva sihlezi sibatshela ukuthi awukwazi ukuvele uwe nje ngoba lokho kuyabashodisa ngaphandle uma unesiqiniseko sokuthi uzoliwina ibhola. Ilokho okwenzekile, kwangena igoli. Nakwelesithathu esikhundleni sokuthi sigade umdlali ophethe ibhola okungenani aphumele ngaphandle kodwa siyamyeka,” kusho uVilakazi kwiSS4.

Ngaphambi kwemidlalo yayizolo iStars ibihleli endaweni ka-11 kwi-log ngamaphuzu awu13.

“Kuzomele silungise indlela esingenelwa ngayo amagoli. Ngale kokungahloniphi amaqembu esidlala nawo kodwa akukho lapho sihlulwe khona ngomdlalo. Wonke amagoli angena ngamaphutha ethu. Uma singakulungisi lokhu umzuliswano wesibili uzoba ngomude nonzima kakhulu kithina.”

UVilakazi umane waphelelwa ngamazwi uma esechaza uSibusiso Masina othole ikhadi elibomvu kade esanda kungena. Ngaleso sikhathi bekwu 2-1.