UMahumapelo uvunwe yijaji
BANENGEKILE BASIFANISA NESIKESHI ESOZALO
Nhlanhla King Nkeshemba Nene: Uzalo opopayi abadlala ebusuku. Ngiyaqala ukubuka imbudane enje yomdlalo. Angazi noma babuka iziqephu zalama filimu aseNigeria yini bese bewaletha esiZulwini.
NguMusa Nkomzwayo: Mancane amathuba okuthi ungasuka ekhaya labadala eliwuZalo uye kwenye indawo uyolingisa khona...ngathi isikeshi sika Sonto sikole, naso singcono futhi sisuke senziwa izingane ezingazi lutho.
Nkosinathi Junior Mthembu: Imbewu engabe idlala ngesikhathi esifanayo noZalo.
AKUKHO OKUSHA OKUZOVELA KWI-SONA: ABAHLAZIYI
Siphamandla Borex Zwane: Okusha ukuthi basitshele ukuthi sisebenza nini? inyanga, usuku nesikhathi ngiqedile.
Masta P Alabama: kungavela noma kungangavela, vele akukho okugcina kwenzekile.
Joe Man: Sizobe sifunzwa leso sinkwa semihla ngemihla “Amanga” Noma
ISIKHALO NGOKUQASHWA KWABE FUNZA LUSHAKA
Zolani Mazola Madlala: Lokho kunokwenzelela phakathi. Kuthiwe akwenziwe njani ngalaba abazikhokhele nabafundiswe iNSFAS? Uhulumeni akayicubungule kahle le.
Thamsanqa Gumede: Abantu kumele banikezwe amathuba afanayo. Kuzokwenziwani ngalaba bantu abakweleta izikhungo zemfundo ephakeme uma bengaqashwa?
BEKUYINJABULO yodwa eNkantolo eNkulu iSouth Gauteng izolo ngesikhathi ijaji linquma ukuthi uSihlalo we-ANC, eNorth West owakhishwa esikhundleni, uMnuz Supra Mahumapelo nesigungu sakhe babuyiselwe ebuholini.
Ijaji lithe ukuchithwa kobuholi boMahumapelo babungekho emthethweni.
Ubuholi boMahumapelo buchithwe ngo-Okthoba nyakenye yisigungu esiphezulu se-ANC safaka ubuholi besikhashana obuholwa uNdunankulu, uMnuz Job Mokgoro.
Ukukhishwa kukaMahumapelo nesigungu sakhe kwalandelwa imibhikisho enodlame, nokwaholela ekutheni ubuholi bukazwelonke bungenelele. Amalungu omphakathi abekhala ngokuthi uhulumeni we-ANC, eNorth West awusebenzi futhi ugcwele inkohlakalo.
OMahumapelo udaba lwabo balufaka enkantolo ngenhloso yokuthi kubuyekezwe isinqumo sokuchithwa kwabo.
IJaji Fayeeza Kathree-Setiloane lithe ubuholi bukazwelonke bahluleka ukuxoxisana nezinhlaka eziphansi ngaphambi kokuthi buthathe isinqumo. “Ukuhlakazwa kobuholi besifundazwe kwahambisana nobundlovu kayiphikiswa ngoba akuzange kuxoxiswane namagatsha ngaphambi kokuba kufinyelelwe kwisinqumo,” kusho uKathree-Setlloane.
Uthe lesi sinqumo sasingenabo ubulungiswa futhi saphula imigomo yeqembu.
Ijaji liqhube lathi ubuholi bukazwelonke bahluleka futhi ukunikeza izizathu zokuthi kungani buhlakaza ubuholi besifundazwe.
Kwenzeka lokhu nje, ubuholi boMahumapelo busalelwe izinsuku ezintathu kuphela ukuthi buphelelwe isikhathi ehhovisi.
UMnuz Zizi Kodwa osehhovisi likaMengameli Cyril Ramaphosa kwi-ANC uthe bazosiphonsela inselelo isinqumo senkantolo sokuthi kubuyiswe ubuholi besifunda saseNorth West obahlakazwa.