Uzofihlwa eMobeni obenguthishanhloko
UZOFIHLWA emathuneni aseMobeni Heights, uNkk Joyce Thembelihle Mzelemu uMaSabela, ofundise ezikoleni zaKwaMashu wathatha umhlalaphansi esenguthishanhloko eGugulethu Primary.
UNkk Mzelemu udlule emhlabeni ngesonto eledlule.
Ubeyisakhamuzi saseLovu kwaB, kanti wazalelwe eMaoti, eNanda. Wafundisa ezikoleni ezahlukene KwaMashu kwezinye waba uthishanhloko.
Izikole ake afundisa kuzona kubalwa iBuhle Primary, iNkulisabantu Primary aba uthishanhloko kuyo kanti wathatha umhlalaphansi efundisa futhi enguthishanhloko eGugulethu Primary khona KwaMashu.
UNkk Mzelemu udlale enkulu indima kwezemfundo efukula intsha yangakubo emkhakheni wezemfundo.
Inkonzo yomngcwabo izoba sebandleni laseWeseli khona eLovu ngo-9 ekuseni.