IPSL ayifuni ukuphawula ngokudingiswa kukaThidiela
sikwenze, sekusele ngilifake kubadlali lelo lisu.”
Lo mqeqeshi uthe akayanga emakethe ngoJanuwari ngoba ubesafuna ukubheka bonke abadlali abeseqenjini.
“Uyafika nje emzini omusha, awuwazi wonke amagumbi namakhona kwakhona kodwa usufuna ukuthenga ifenisha entsha, kanjani nje? Kwesinye isikhathi singabaqeqeshi sibuye sijahe ukusayinisa abadlali kanti uvele ukhona eqenjini. Yebo zikhona izindawo esingaziqinisa kodwa ngibone kusemqoka ukubheka wonke umdlali okhona eqenjini.
“Singasebenza ngalaba esinabo, akujahehile ukuthi bese singaya emakethe ngaphandleke uma kuwukuthi uzolanda uRonaldo ozosukumisa yonke iClermont le,” kusho uKomphela. INHLANGANO eyengamele ibhola eNingizimu Afrika, iPremier Soccer League (PSL), ayizihluphi ngokuphawula ngesigwebo esinzima okuhlakazwe ngaso umnikazi weBlack Leopards, uDavid Thidiela.
Lokhu kulandela isenzo sakhe sokusongela unondweba uVictor Hlungwani.
NgoLwesibili, seliyoshona, kuvele ukuthi ikomiti eliqondisa ubugwegwe lePSL lishaye uThidiela ngokumdingisa isikhathi esingangonyaka ekuzihlanganiseni nakho konke okuthinta ibhola. Ngaphezulu kwalokhu ushaywe nasephaketheni ehlawuliswa uR1 million.
Konke lokhu kulandela inkulumo elumelayo uThidiela ayeyibhekise kuHlungwani emdlalweni owawuseThohoyandou Stadium, nyakenye.
Ngemuva kokulicubungula kahle icala isigungu sePSL sibone kungcono simhlakaze uThidiela ngokuhudulela isithunzi seligi phansi ngendlela aziphathe ngayo ngesikhathi iqembu lakhe lishaywa yiBloemfontein Celtic ngo 1-0.
Ngalolo suku uThidiela wayevutha amalangabi esola unondweba ngokucindezela iLidoda Duvha. Waze wasebenzisa namazwi asakusabisa emtshela ukuthi uma ephinda ebuyela eThohoyandou azi ukuthi impilo yakhe isengcupheni.
Ngokuthola kweSolezwe, iLeopards isitsheliwe ngalokhu kodwa leli qembu eliqeqeshwa uDylan Kerr liqome ukungaphawuli ngakho.
Leli phephandaba belinemibuzo eminingi efana nokuthi esikhundleni sikaThidiela esigungwini esithatha izinqumo zePSL umiswe kusona isikhathi esingakanani nokuthi uvunyelwe yini ukuludlulisela phambili lolu daba. Mayelana nemali ngabe ikhona yini elengisiwe kodwa izimpendulo azitholakalanga.
“Akukho esingakusho siyiPSL ngalolu daba,” uphendule kanje uMato Madlala oyisikhlu esiphezulu esibambile sale nhlangano ephethe ibhola.
Sihoshile nokho ukuthi nakuba iLeopards ingaphenduli nePSL ingaphawuli, iLidoda Duvha izothatha izinyathelo iphikisa isinqumo.
Sekungumlando ukuthi uThidiela uxolisile kuHlungwani ohlelweni lwezemidlalo emsakazweni.Izolo iLeopards ibibhekene neMamelodi Sundowns emdlalweni we-Absa Premiership eLoftus Stadium, ePitoli.