Kuyasicindezela okwenziwa yisikole saseGingindlovu
MHLELI: Ngingumzali wezingane ezifunda eSandlwana High eseGingindlovu eduze nedolobha.
Ngicela kwelakho ukudlulisa isikhalazo sethu singabazali nabafundi ngohulumeni. Ufike waxhasa isikole kodwa wakhetha iphela emasini ngemali ekhokhwa kulesi sikole.
Kunabazali abangakhokhi ngisho nesenti elimnyama, kube khona abakhokha uhhafu, bese kube nabakhokha imali egcwele. Abangakhokhi kuthiwa abaxhase ngoba baseduze kwesikole. Iningi labo lingabomdabu baseNdiya. Eyakho ingane uma ihamba ngebhasi noma ngomalume kuthiwa ayiswele lutho ingakwazi kanjani ukugibela uma iswele? Yize noma kuwumthetho kahulumeni ukuthi lesi sikole singakhokhi.
Okunye-ke futhi, imithetho yaso iqine ngale ndlela yokuthi igqilaza ngisho ukusebenza kwesikole; njengokuthi uma kubizwe umhlangano wabazali uyaphoqeleka wena mzali ukuthi ulove emsebenzini wakho ngoba bona ngeke bamvume omunye umuntu ohlobene nomntwana akubambele. Bathi bafuna umuntu umntwana avundla kuyena.
Okunye ke okusiphatha kabi kulesi sikole wukuthi kuyaphela ngithi cishe izinyanga ezintathu izingane zingamboni uthisha wesifundo esithize. Umzali Okhathazekile