UDlangalala ulandelwe ukusindisa ama-Tuks
UZIPHO Dlangalala ulandelwe ukuzotakula umkhumbi wePretoria University FC okubonakala ucwila kwiNatioanl First Division (NFD).
Ngemuva kwesikhathi eside amaTuks engenaye umqeqeshi oqondile, agcine esayinise uDlangalala oke waba yiphini lomqeqeshi kwi-Orlando Pirates kumasizini edlule.
Selokhu kwahamba uShaun Bartlett, ngoJuni wangonyaka odlule, izintambo zokuqeqesha bezibanjwe u-Evangelos Vellios.
UDlangalala oke waba yiphini lomqeqeshi nakwiChippa United uthola lo msebenzi nje, bese kuphele isikhathi eside engasebenzi. Ugcine ukubonakala kwiRoyal Eagles.
UKhathochelo Mbanda oyimenenja yamaTuks utshele Isolezwe ukuthi balande uDlangalala ukuba azobasusa emaqenjini adonsa kanzima kwiNFD.
Uqhube wathi nakuba iseminingi imidlalo esele kodwa kabakubhekile nakancane ukuba semaqenjini azobanga ukunyukela kwi-Absa Premiership.
“Kucacile nje, esikufuna kuDlangalala ukuthi asibeke endaweni ehloniphekile kwi-log. Uma sike saqeda isizini sikwiTop 8 uyobe usebenzile. Simqashe ngoba sethemba ukuthi isipiliyoni sakhe sizolisiza iqembu,” kubeka uKhathochelo.
Mayelana neminyaka esayinwe uDlangalala, lesi sikhulu sithe: “Okwamanje kangizothanda ukwanda ngesikhathi esizohlalwa uDlangalala eqenjini. Sivumelane ngokuthi akasebenze le sizini bese sithatha isinqumo ekupheleni kwayo”.
Uqhube wathi okubachazile kuDlangalala ukuthi unesipiliyoni sokusebenza nentsha nasezikhungweni zemfundo ephakeme njengoba eke waqeqesha iqembu laseDurban University of Technology (DUT). Uke waqeqesha neseqenjini lika-Under 19 kwiMamelodi Sundowns.
Mayelana nokuqinisa iqembu, uKhathochelo uthe: “Sikholelwa ekutheni laba badlali esinabo bangakwenza esikudingayo. Into engicabanga ukuthi isishayile, kube
ukungabi nomqeqeshi oqondile isikhathi eside.”
Umdlalo wokuqala kaDlangalala uwudlale neWitbank Spurs eshaya kwasani oluphambi kwayo ngaphansi kobuholi buka-Ephraim “Shakes” Mashaba. Lo mdlalo uwinwe amaTuks ngo 3-1.
Imiphumela yeNFD: Witbank Spurs 1-1 Uthongathi FC; Mbombela United
0-0 Stellenbosch; Royal Eagles 5-0 Pretoria University FC; Ubuntu Cape Town 2-1 Jomo Cosmos; Richards Bay 2-1 Cape Umoya United; Ajax Cape Town 4-4 Tshakhuma Tsha Madzivhandila; TS Sporting 2-2 Maccabi FC; TS Galaxy 1-0 Real