I-A Class Sedan
KUYAQALA ukuthi kukhishwe i-A-Class 200 ne-250 sedan enesinqe kwaMercedes-Benz selokhu yethulwa ngo-2013. Kwenzeka lokhu nje i-A Class ithathe indodo yeCar of of the Year kuleli nonyaka. Ukuphepha kwayo yikhona okuyenze yaba yimoto esezingeni eliphezulu kanti ithathe nobuchwepheshe be-S Class yase yengeza obayo.
UMqondisi wezokuMaketha kwaMercedes-Benz South Africa, uSelvin Govendor, uthe balalele izifiso zabantu ngokwakha imoto elungele umndeni omncane. I-A-Class selokhu yaqala ukuba khona ngo-1997.
Sekudayiswe ezizigidi eziyisithupha emhlabeni jikelele selokhu yaqala ukuba khona kodwa ibingekho enesinqe.
Ngaphakathi ivulekile futhi inebhuthi engu-420 litres. Inamathayi asuka ku-17 kuya ku-19 inch. Uma uyithenga uyakwazi ukucela bayengeze ichrome nenqawe uyayifaka ichrome ngasekugcineni.
Iphinde ihehe kakhulu ngokuthi nombala wezihlalo zayo zesikhumba uzikhethele owufunayo futhi iyphuma ne-AMG package.
Ngaphakathi ikuheha usayibuka ngendlela eyenziwe kahle ngayo kanti nezihlalo ziyakuwotawota uma uthanda. Izindawo ezikhipha umoya ngaphakathi kuyona nazo zenza ibukeke kahle.
Iphinde ikuchaze ngokuthi ishintsha imibala yokukhanya kwayo ngaphakathi. IneMBUX eyenza ukwazi ukuxoxa nayo kanti uma ungathandi ukukhuluma konke kukhona kwitouch screen ngaphambili ofuna ukukwazi ngayo.
Ezinye izinto zikhona esiteringini sayo ozicindezelayo zenze lokho okufunayo okungukuphendula ucingo noma ukudlala umsakazo.
Uma kukhona okukuphazamisayo iyakukhombisa ukuthi wehlise ambhuleki. Uma usuhamba eceleni kukalayini emgwaqweni iyakutshela.
Injini ye-A-Class Sedan 200 ingu-1.3 litre kanti eye-A-Class Sedan 250 Sport ingu-2.0 litre. Amandla e-A 200 angu-120kW netorque engu-250Nm.
Kuphethroli idla 5.4 litres ngo100 km. I-A-250 Sport inamandla awu-165kW netorque ewu-350Nm. Idla uphethroli ongu-6.7 litres ngo-100km.
Zombili ziphuma nogearbox ozishintshayo oyi 7G-DCT dualclutch transmission. Inani A-Class Sedan 200
R533 400 A-Class Sedan 250 Sport
R604 800