Isitayela nokubekezela kubuzwa kwiGLC

UKUBA sesitayeleni, ukubekezela nokuhambelana nalo lonke uhlobo lwemicimbi, iyona ndlela okuchazwa ngayo iMercedes-Benz GLC.

Kule moto kwethulwe eyi-SUV neCoupé. I-GLC isibe semakethe iminyaka emine futhi ingenye yamaSUV athandwayo. Intofontofo akukhathalekile noma ngabe uhamba ngayo emgwaqweni wetiyela noma obhuqwini futhi inobuchwepheshe obuyifanele.

I-GLC yokuqala yethulwa ngo-2015 kwathi i-GLC Coupé yethulwa ngo-2016. Sekudayiswe ezingu-1.5 million kusuka zethulwa emhlabeni jikelele.

Njengamanje iMercedesBenz inezimoto eziphakeme noma amaSUV ayizinhlobo eziyisikhombisa. Kukhona i-GLA, GLC, GLC Coupé, GLE, GLE Coupé, GLS neG-Class kanti iGLB izokwethulwa ngo-2020.

IGLC entsha iphuma namalambu ayi-LED okuyinto okungadingi ukuthi uze uyengeze uma uyithenga. Lokhu kwenza amalambu ayo akhanye emini uma ihamba agqame kakhulu kube sengathi kukhanyiswe ithoshi.

Iphinde iphume ne-MBUX Mercedes-Benz User Experience. Lobu buchwepheshe busiza ngokuthi ukwazi ukuxoxa nayo ngokuthi “Hey Mercedes”. Iphinde ikhombise konke okuseduze kwemoto uma ihamba.

Ine-Active Distance Assist DISTRONIC ne-Active Steer Assist esiza umshayeli ukukala ibanga okumele libe phakathi kwayo nemoto eyilandelayo. Ijubane layo liyazehlela uma kunejika ngaphambili ngoba ilibona ingakafiki kulona. Iphinde izibambele amabhreki uma kukhona ongase ukushayise.

Indlela ofuna ihambe ngayo uyikhetha wena kuDYNAMIC SELECT. KuComfort no-Eco ihamba kahle nokuyiyona ndlela yokushayela nsukuzonke. KuSport noSport+ i-suspension ithi ukuqinaqina.

Lezi zimoto zifika nezinjini ezintsha zikaphethroli nodizili.

I-GLC 300 4MATIC inamandla angu-190 kW ne-torque engu-370Nm bese idla amalitha kaphethroli angu-7.4 ebangeni elingu-100km.

I-GLC 220 d 4MATIC inamandla angu-143kW ne-torque engu-400Nm bese idla amalitha kaphethroli angu-5.5 ebangeni elingu-100km. I-GLC 300d 4MATIC inamandla angu-180kW ne-torque engu500Nm bese idla amalitha angu-5.9 ebangeni elingu-100km. Amanani GLC 300 4MATIC R842 800 GLC 220 d 4MATIC R786 100 GLC 300 d 4MATIC R825 100 GLC 300 Coupe 4MATIC R985 300 GLC 220 d Coupe 4MATIC

R929 600 GLC 300 d Coupe 4MATIC

R964 200