Uthelekile umagcino kumaVelar

USUTHELEKILE kuleli u “last number” wamaRange Rover Velar, iSVAutobiography Dynamic Edition.

IVelar ifike kuleli okokuqala ngo-2017 ingena phakathi kweRange Rover Evoque neRange Rover Sport. Ibitholakala ngezinhlobo ezinenjini zikadizili ezinamacylinder amane nayisithupha kanjalo nezikaphethroli.

Le esanda kwethulwa yakhiwe yithimba leLand Rover Special Vehicles. Iphethe injini engu-5.0 litre V8 supercharged enamandla angu-405kW netorque engu-680Nm. Bathi kuyithatha imizuzwana engu-4.5 ukusuka ku-0 iye ku-100km/h kanti ijubane elikhulu ngu274km/h.

Bayifake i-exhaust eyenza ukuthi ikhiphe umsindo ohlukile ondondayo. Kukhona iViriable Active Exhaust System eyenza ukuthi ushintshe umsindo wezinqawe.

Njengoba inamandla angaka nje, inamabhreki abamba thaqa futhi no-spension wayo uyayivumela ukuthi kube yimoto yansukuzonke.

Bathi onjiniyela babo bachithe amahora angu-63 900 beyixilonga ukwenza isiqiniseko sokuthi ihamba kamnandi futhi iyabambelela.

Izinto enazo yi-AWD system eyenza ukuthi idonse ngawo womane amasondo, Active Rear Locking Differential, eightspeed transmission, steering ne-air suspension.

Indlela ebukeka ngayo inobhampa omusha onamaair intakes amakhulu osiza ukungenisa umoya oya enjinini kanjalo nokupholisa amabhreki. Kukhona igrille entsha nobhampa omusha ngemuva olunguza izinqawe ezine.

Bayigqamisile namagama eRange Rover kubhonethi nangemuva.

Emzimbeni inemibala eyisithupha uFirenze Red, Santorini Black, Eiger Grey, Fuji White, Indus Silver noSatin Byron Blue. Zonke zinokhakhayi oluNarvik Black.

Amasondo ehamba ngawo angu-21 inch kodwa uma uthanda uyakwazi ukufaka angu-22 inch. Kulunguza ama-brake calipers abomvu. Kukhona namnyama acwebezelayo uma uthanda.

Ngaphakathi inezihlalo zesikhumba ezigqame izitishi. Ezangaphambili zihlelwa ngogesi futhi ziyashisa okanye zibande futhi ziyakuwotawota.

Isiteringi sihlukile yi-sports steering wheel bese kuba khona igiya eliyindilinga naweTouch Pro Duo infotainment. Inani Range Rover Velar SVAutobiography Dynamic Edition R1 743 325

Izodayisa unyaka owodwa.