Wagqu uyise o abantu
UKUCATHULISWA akukhona okwabantu abasafika ebhizinisi, nabantu asebenesikhathi eside bayamdinga umuntu ozohlala ekhona njalo.
Lokhu kushiwo uNkk Busisiwe Mdletshe ongumsunguli nesikhulu esiphezulu senkampani esiza ngezinto ezithinta intela, iBtmt Capital enamahhovisi eSandton.
UNksz Mdletshe odabuka eNgonyameni, ngaseMlaza, usungule le nkampani ngo2014. Uthe uma usebenza kunomuntu ohlale ekubhekile ukuthi umsebenzi owuqashelwe uwenza ngokuyikho yini, uma ebona ukuthi uphuma endleleni akuqondise noma akuzamele usizo lokuthi kuthuthukiswe ikhono lakho. Kodwa uma sewunenkampani yakho akekho umuntu osuke eme emuva kwakho, ebheke lokho. Uthe uma ungazange uzitholele umuntu ozokweluleka ungenza amaphutha amaningi.
“Ngikholwa ukuthi nakuba sengikhulile ebhizinisini, ngisamdinga umuntu osemkantshubomvu kuleli bhizinisi ngoba izinselelo zalo uzazi kangcono. Ngizimisele ukuthi ahlale ekhona umuntu ongelulekayo,” kusho yena.
UNksz Mdletshe uthe ngesikhathi eqeda u-matric wayengazi ukuthi uzofundelani ngoba esikoleni ayefunda kuso wayengekho umuntu owayebeluleka ngamikhakha abangayifundela.
“Izifundo zami zazixovekile, ngenhlanhla kwakukhona iMaths kuzo futhi ngiphase kahle, amaphuzu ami engivumela ukuthi ngingene enyuvesi. Ngakhetha ukwenza iBcom yize ngangingazi lutho ngayo. Ngekota yokuqala ngathwala kanzima, ngasizwa abangani bami ababehlakaniphile futhi beqonda kahle ukuthi lo mkhakha uzosifikisa kuphi. Kwaphela unyaka nami sengiqonda kahle kodwa ngaba nenye inselelo yokuthi imali yokuqhubeka