I-Toyota ikhiphe imoto eyongayo

ITOYOTA yethula umncanyana wemoto omusha, oshibhile ezimotweni zayo, i-Ayga ozovala isikhala somunye i-Aygo. Ekwakheni i-Ayga, iToyota ibambisene neDaihatsu Motor Company njengoba yenzile ibambisana neSuzuki. Muva nje bathule iStarlet evala isikhala se-Etios, esuselwe kwiSuzuki Baleno.

Izinto eziningi ze-Ayga ziyefana nezeDaihatsu Ayla futhi yakhelwe abantu abayibhekayo inkece abanayo uma bethenga imoto nabathenga izimoto okokuqala.

Izinto enazo kukhona kuzo amarimu angu-14 inch, izibuko zasemaceleni ezisebenza ngogesi, i-roof spoiler ngemuva kanjalo namaLED lights emuva.

Injini ehamba ngayo ingu-1 litre three-cylinder kaphethroli. Inamandla angu-49kW ne-torque engu-89Nm. Uyithola ngo-gearbox oyi-5 speed oshintshwayo, okanye ozishintshayo oyi 4-speed.

Bathi ngo-100km eshintshwayo idla amalitha angu-4.8 kaphethroli, kuthi ezishintshayo idle angu4.9 ebangeni elifanayo. Ithangi likaphethroli lingu-33 litres.

Ngakwezokuphepha ifika namabhreki e-ABS, EBD, indawo yokufaka isihlalo sengane, ama-airbag amabili ngaphambili ne-alamu.

Ngaphakathi i-Ayga ine aircon, amawindi kagesi, idunyiswa ngebhathini, 12 volt socket uma ufuna ukushaja nomsakazo odlala iCD, Bluetooth, aux ne-USB. Uma uthanda ufaka i-touchscreen okwazi ukuxhuma kuyo iselula nge-Apple CarPlay, okanye i-Android Auto.

Njengezimoto zakamuva zakwaToyota, ifika neToyota Connect eneWi-Fi ne-data yamahhala engu15gb. Uma uyisethile wufaka i-app kwiselula eyenza ubone imininingwane ebalulekile ngemoto noma ucele usizo.

Amanani Agya MT – R178 600 Agya AT – R192 500 Agya MT (with audio) – R182 400 Agya AT (with audio) – R196 300 Ifika ne-service plan yamasevisi amibili noma u-20 000km ne-warranty yeminyaka emithathu noma u-100 000km.