Luyabuya uhlelo ngempilo kaFaith Nketsi wodumo
06:00 Kids News And Current Affairs 06:30 Yotv Mini 07:00 Furry Tales 07:30 Mam’ Sakhile’s Story House 08:00 Generations - The Legacy (R) 08:30 Muvhango (R) 09:00 Uzalo (R) 09:30 Skeem Saam (R) 10:00 Nomzamo 10:30 Daily Thetha 11:30 Ngempela (R) 12:00 Local Drama (TBA) 13:00 Lunch Time News
13:30 Cutting Edge (R)
UZOKWAZIWA maduzane ukuthi ungubani usomabhizinisi waKwaZulu-Natal, othandana nosaziwayo wakuleli uFaith
Nketsi.
Lokhu kuzogqama kwisizini yesithathu yohlelo lukaFaith, oluthi Have Faith, noluzoqala kuMTV Africa (130), ngoMsombuluko ngo-9.30 ebusuku.
Kumasizini amabili adlule kubonakale uFaith, ezama ukungena emikhakheni ehlukene - owamabhizinisi, umculo futhi waphumela obala ngobudlelwane bakhe kwezothando obagcina bungahambanga ngendlela afisa
ngayo.
Kule sizini uFaith uveze ukuthi uzobonakala eqhubeka nokungena ezindaweni ezehlukene emabhizinisini futhi nalawa anawo kuzobonakala ukuthi usekhule kangakanani kuwona.
“Ukuba ngusomabhizinisi yinto engelula neze kodwa ohlelweni abantu bazongibona ngiwabambile amabhizinisi ami futhi ngizophumela obala ngobudlelwane bami kwezothando kanjalo ngiqhubeke nokuphila impilo yami. Ngijabule kakhulu ngokuthi kube khona isizini yesithathu, ngiyabonga kuwona wonke umuntu ohambe nami leli banga size sifike lapha, bekungelula,” kusho uFaith.
Uthe kukhona okuzohluka ngaye kule sizini njengoba esekhulile njengomuntu wesifazane, nazokukhombisa emndenini wakhe nakubangani bakhe.
"Abalandeli bami impela ngizobathi fahla ngokwenzeka empilweni yami kwezothando.
Abangani bami uKim Kholiwe no-Andzelo nabo bayabuya sizobheka ukuthi yini eqhubeka empilweni yabo njengoba bebebhekene nobunzima ezikhathini ezidlule nokuthinta imindeni yabo,“kusho yena.
UKim, isizini yesibili eyaphela ezithwele, uzobonakala eqhubeka nokuzibambela ekukhuliseni indodana yakhe yedwa, njengoba aveza ukuthi akasabhekani noyise wayo.
Kuzovela lapho ezama khona ukubuyisana naye ukuze babambisane ezindlekweni zengane.
U-Andzelo, owayebhekene nesimo esinzima abazali bakhe behlukanisa, kule sizini kuzovela esalwa nalokho njengoba kuyinto engamjabulisanga.
Okunye okuzogqama ngaye wukuthi uzozama ukuzimela ezintweni eziningi ezithinta umsebenzi.