UMogoeng wakhetha intando kaNkulunkulu
MHLELI: Kunokwentuleka kwabantu baseNingizimu Afrika abangaqhosha futhi baveze uMthethosisekelo njengolungile futhi oncomekayo?
Ngicabanga ukuthi awulungile ngoba ufuna kugunyazwe ukuthi owesifazane ashade namadoda amabili kuya phezulu futhi unciphisa amalungelo abantu. Kwabaningi bethu, ingozi efihliwe kuMthethosisekelo iyabonakala. Ukuqokwa kweJaji uMogoeng Mogoeng, owabhekana nababefuna ukumvimba nokumnqumela ngesikhundla sakhe, kuwuphawu lokuthi uMthethosisekelo wakuleli uphikisana nomkhuleko kaNkulunkulu.
Ngaphandle kokungabaza, uMthethosisekelo ufana nothando oluphindaphinda ukungaguquki kukaSathane, ukuze asikhiphe kubo bonke ubungcwele futhi asiholele esilingweni. Lokhu kuphindaphindwa kuvele obala kulabo ababizwa ngezazi zomthetho, abezindaba, nabefundisi nokuthiwa bayizazi zemfundiso yezenkolo, ngesikhathi begxeka ubuholi bukaJaji Mogoeng.
Kwenzeka ngesikhathi uMogoeng enza into ehlonipheke kakhulu ngokungcwelisa nokuthandazela umuthi wokugomela iCovid-19 ngoba ekholelwa kuNkulunkulu. Kafushane, uMogoeng wathandazela ukuthi uNkulunkulu avikele abantu futhi awuqalekise umgomo weCorona, uma uzothikameza impilo yabantu noma uma uhambisana nezinhloso zikaSathane.
Ngakho-ke akumangazi namanje njengoba isikhathi sakhe sesiphelile, uma kusekhona umqondo osakazwa kabanzi emiphakathini, nakubameli bezomthetho.
Ekugcineni uzodluliselwa kubantu abazongena esikhundleni sikaMogoeng, ukuze bafundiswe ngalo mqondo.
Ukuqagela kwabefundisi base-Europe, abafundisa ngenkolo namaKrestu ahambisana nohulumeni besho ngokuphindaphindiwe ngentshisekelo, bememezela uMogoeng njengomfundisi wamanga notolika okungafanelekile ngeBhayibheli.
Isibonelo nje, labo abavuma isono uma kuthanda bona, abavumelani nokweseka kukaMogoeng i-Israyeli. Uma bechaza bathi kunomehluko phakathi kwesimo seBhayibheli sakwa-Israyeli, no-Israyeli wanamuhla. Lokhu kungamampunge ngoba i-Israel yaqala iyisizwe e-Afrika, yaze yadlula iSaudi Arabia yanamuhla yaze yafika ePalestine. Ngabe laba bavikeli beqiniso bangenza okufanayo ngemingcele engabhalwanga yezizwe ezimnyama zaseNingizimu ne-Afrika, lapho uMthethosisekelo ulungiswa ukuze "ubuyise lokho okuthiwa umhlaba owebiwe" eminye yawo yabelwa amanye amasonto?
Abahlali bomhlaba onjalo, bangayihlukanisa phakathi i-Afrika yaphambilini neNingizimu Afrika yanamuhla? Zingumbobayi izinsolo zokuthi uMogoeng uzibandakanye nepolitiki uma umuntu ebheka ukuthi inkantolo yoMthethosisekelo noma enye inkantolo emhlabeni yakhiwe ngokwezepolitiki. Azikho izinhlaka zezomthetho kunoma yiliphi izwe, eziyizinhlangano ezizimele kwezombusazwe.
UMogoeng wabhekisisisa izimo zepolitiki njengotolika nomvikeli womthethosivivinywa wamalungelo abantu, nalapho kwatholakala ukuthi izingqinamba zepolitiki, ziyagxambukela enkantolo.
Ezikhathini eziningi sike saba nosopolitiki abama esidlangalaleni bethi amajaji achemile futhi kwagqekezwa amahhovisi eNhloko yamaJaji, uMogoeng. Amajaji awasoze aba ngaphezu kwemingcele yezombusazwe. Iqiniso wukuthi lesi sici sisemlandweni waseNingizimu Afrika, ngokwenkolo. Empeleni sihlose ukukhubaza iningi lamaKrestu ekuphikiseni izifiso zezono zoMthethosisekelo, okwenza kube nokuvumelana uma kuchitshiyelwa umthetho sibe singekho isidingo. Njengejaji eliyinhloko, uMogoeng akazange aphikise abathandana nabobulili obufanayo noma akhankase ngabo. Akazange aphikise inkolo yamaSulumane noma ezinye izinkolo ezincane ngisho nokugunyazwa kwensangu kwenzeka ngaphansi kwakhe. Azikho izizathu zokukhononda ngoMogoeng.
Okokugcina, uthisha omkhulu weBhayibheli akusona isiqu semfundiso yenkolo kepha yiNkosi noMduduzi. Ngabe abakholwayo bayamazi u-Israel wangempela ovela eBhayibhelini, owawuthethelela ubugqila, ubandlululo, izimpi ngalo ulwazi oluphelele lweBhayibheli?
Kuze kube yinamuhla, bathethelela ukucwasana nokucwaswa kwabantu ngokusebenzisa amavesi eBhayibheli nezimfundiso ezingcolile zesonto.
Ulwazi lwabo ngo-Israel wangempela lubaqinisekisa kanjani njengabantwana bakaNkulunkulu? Ukuhunyushwa kweBhayibheli noma ngabe kungokwesimanje noma kuhambisana nezimo ezikhona, akukwazi ukuba ngaphezu kwentando kaNkulunkulu. UMogoeng wakhetha intando kaNkulunkulu.
Khotso K.D Moleko
EMANGAUNG