Kuphelile nge-Avanza, iRumion edlisayo manje
KUHLANGENE unyaka ogcwele ngenyanga edlule iToyota isiqedile nge-Etios, isikhala sayo yasivala ngeStarlet. Okwenzeke kwi-Etios, kuphinde kwi-Avanza, isikhala sayo sithathwa yiRumion ebiyethulwa ngoLwesithathu, eGoli.
Zombili izimoto, okuyiStarlet neRumion zenzeke ngenxa yobudlelwano iToyota enabo neSuzuki. I-Starlet isuselwe kwiSuzuki Baleno kuthi iRumion kwi-Ertiga. Kukhona neSuzuki Vitara Brezza ezale iToyota Urban Cruiser.
“Indlela abantu abazamukele ngayo lezi zimoto ingaphezulu kakhulu kunaleyo ebesiyilindele,” kusho uGlen Crompton, ophethe ezokumaketha kwaToyota, ngesikhathi ephawula ngempumelelo yeStarlet ne-Urban Cruiser.
I-Avanza esigijime emigwaqweni kusukela ngo-2006, bathi ushintsho ludalwe ukubiza kwayo, indlela ebukeka ngayo nezinto enazo yingakho befake iRumion.
I-Rumion iyafana ne-Ertiga kepha ishintshe kakhulu kwi-grille ephicwe nge-chrome.
Itholakala ngezinhlobo ezintathu okuyiS okuyiyo eyokuqala, iSX ephakathi neTX ephezulu.
Ifika namasondo angu-15 inch anamakhava noma amarimu, kuya ngenhlobo yakho. I-Avanza ibifika nangu-14 inch. Njenge-Avanza, ilayisha abagibeli abayisikhombisa ngaphakathi futhi ibukeka inkudlwana. Isikhala ebhuthini sinendawo yokubeka ngaphansi futhi uyakwazi ukuzilalisa ukuze kwande isikhala.
Ine-aircon ngaphambili nangemuva, amawindi kagesi, ama-sensor ngemuva noma ikhamera, Apple CarPlay/Android Auto, Bluetooth, Wi-Fi, umphico osaplangwe kwi-dashboard nokunye. Kuya ngenhlobo oyithathayo.
Zonke zinenjini eyodwa engu-1.5 litre enamandla angu-77kW ne-torque engu-138Nm, kukhona i-gearbox ewu-5 speed manual newu 4-speed auto. Kuphethroli bathi idla amalitha angu-6.2 ngo-100km. Ngiyishayele kancane izwakala ikahle emgwaqweni, ayinamsindo wenjini ngaphakathi.
Kwezokuphepha inama-airbag ngaphambili, amabhreki e-ABS ne-EBD bese iba ne-alarm.
Intengo:
600
500
Rumion 1.5 S
Rumion 1.5 SX MT
Rumion 1.5 SX AT
- R 245
- R 273
- R 289
200
600
200
Rumion 1.5 TX MT
Rumion 1.5 TX AT
Zonke izinhlobo ziphuma namasevisi amane amahhala noma u-60 000km ne-warranty yeminyaka emithathu noma u-100 000km.