USamthing Soweto nochungechunge lwemicimbi
UMCULI uSamthing Soweto uthi ukuthakaselwa komculo wakhe omusha kumenza ajabule futhi azizwe enomdlandla. Lo mculi uke waba sematheni emasontweni edlule ngemuva kokubonakala kwesithombe sakhe ehle emzimbeni.
Abantu bazwakalisa ukukhathazeka waze waqopha i-video echaza ukuthi akaguli kodwa waveza ukuthi kunezinto abebhekene nazo. NgoLwesihlanu ukhiphe ingoma ethi
ethakaselwe kangangokuba ihlale phezulu ezingomeni ezidlalwa kakhulu ku-Apple Music eNingizimu Afrika.
“Ngijabule. Ingoma iphumile futhi ihleli phezulu. Iyangijabulisa leyo ndaba. Abantu bangeseka ngenye indlela, bangikhathalele futhi banendaba nami nokuyinto engijabulisayo,” kusho uSamthing Soweto.
Lo mculi oke wacula eqenjini iThe Soul, uthe ekuqaleni konyaka ufake amazwibela ezingoma zakhe ukuze ezwe uvo lwabantu ukuthi bayazithanda yini.
“Abanye bagcine sebezisebenzisa kwiTik
Tok zingakaphumi. Ngesikhathi sengikhipha bengingalindele ukuthi bazoyithakasela kangaka. Ngiyabonga. Kuleli sonto ngizomemezela uchungechunge lwemicimbi engizoyihambela.”
Ufakile emakhasini akhe ukuthi uzoba nochungechunge olubizwa ngeNow
Akavezanga ukuthi uzohamba kuphi kodwa wathi amathikithi azoqala namhlanje ngo-12 ukudayisa.
Uthe umculo awenzayo akazi ukuthi owaluphi uhlobo kodwa ukholwa ukuthi ungena ngaphansi kwe-Afro pop “noma yisoul music yaseMzansi”.
“Ngisebenza phezu kwe-albhamu ezophuma ngaphambi kokuphela konyaka. Usuku angikakabi nalo okwamanje.
“Izingoma engizifake ezinkundleni zokuxhumana yizo engizokwakhela phezu kwazo nezinye abantu abangakazizwa engingathanda ukuthi bazibone uma seziphuma.”