Izinkanyezi

ARIES: Mar 21 - Apr 19

YENZA amalungiselelo ekusasa eliqhakazile. Yenza izinto eziqondene nawe ngaphambi kokwelula isandla usize abanye.

Izinto ozizamayo empilweni akube ngezinesisindo ngoba yizona ezizokuphumelelisa. Yiba nesibindi nobuciko ukuze konke kukulungele.

TAURUS: Apr 20 - May 20

QIKELELA uma kukhona umsebenzi olungiselela ukuwenza ngoba uzoyibona inqubekela phambili ngokusebenza ngomfutho othe xaxa. Kuthanda ukukuhambela kahle ngakwezezimali kodwa konke okwenzayo kwenze ngokuzimisela.

GEMINI: May 21 - Jun 20

ABANINGI bazokulethela injabulo kodwa qaphela ukuthi obani obasondeza eduze kwakho ngoba kuzokusiza ukuba nobudlelwano nabantu ababuka imiphumela ngeso elihlukile. Uzozizwa unokuthula emoyeni nasenhliziyweni ngokukhetha abantu abalungile.

CANCER: Jun 21 - Jul 22

GWEMA okukufaka ezintweni ezingakhi, ugxile ekuphumeleliseni amaphupho akho kuqala. Zihlehlisele emuva izinto ezingenamsebenzi empilweni yakho okwesikhashana ngoba zingakuphazamisa ugcine ungakutholanga lokhu okufunayo.

LEO: Jul 23 - Aug 22

UNOGQOZI futhi uzimisele ngokufunda nganoma yini engakulethela impumelelo. Gxila kulokhu okholelwa kukona ngoba kuzokunika inqubekela phambili. Ukuzakhela udumo akube seqhulwini ezintweni ozenzayo.

VIRGO: Aug 23 - Sep 22

AKE ubheke amathuba okwenza amabhizinisi amasha anenzuzo, ikakhulukazi manje ngoba usukhulile ngomqondo futhi usuyazi ufunani.

LIBRA: Sep 23 - Oct 22

UZOZAKHELA ikusasa elihle kakhulu uma ukwazi ukucabanga. Enza amalungiselelo okuthola lokho inhliziyo yakho ekulangazelele. Kungakusiza ukufunda uthuthukise ulwazi lwakho ngoba ekugcineni lokho kuzokubeka ethubeni lokuthola iholo elithe xaxa.

SCORPIO: Oct 23 - Nov 21

USEMATHUBENI okuzuza kakhulu ngoba lesi yisikhathi senjabulo nentuthuko. Njengoba wazi ukuthi indlela ibuzwa kwabaphambili, qikelela ukuthi usebenzisana nabantu ozocosha okuthile kubona.

SAGITTARIUS: Nov 22 - Dec 20

INJABULO isendleleni kwezothando kanti futhi ukuzibandakanya neningi kuzokubeka emathubeni okuthola umaqondana uma ungenaye umuntu ohlekisana naye. Aluthi lufika lolu thando lukufice uzimisele ukulwamukela. Uma ushadile kuhle wenze amalungiselelo okuzikhipha nesithandwa sakho.

CAPRICORN: Dec 21 - Jan 19

LELI yithuba lokuhlolisisa kahle okufunayo empilweni bese uthatha izinyathelo ezinqala eziya empumelelweni. Sebenzisa amandla akho wenze izinto eziphusile ngoba ukhona umvuzo omuhle ongawuthola ngalokho.

AQUARIUS: Jan 20 - Feb 18

LESI yisikhathi esihle sokuzijabulisa kanti futhi ungasisebenzisa uma ufuna ukuqhakambisa ikhono lakho kwezemidlalo. Kukuhambela kahle kakhulu othandweni okwamanje. Konke kubukeka kuvuna wena ngasohlangothini lwempilo kanti nabantu bazokweseka.

PISCES: Feb 19 - Mar 20

SEBENZISA lesi sikhathi ukuguqula impilo yakho ibe yile nto oyifunayo.

Uzothola amathuba okusebenzisa ulwazi owaluthola kudala. Ukwenza izinqumo ezintsha kungakusiza ekubekeni impilo yakho emathubeni empumelelo kusasa.

OKWENZEKA NGALOLU SUKU:

Ngo-1988 abashayeli bamabhasi ababengamalungu enyunyana yezokuthutha, itransport and General Workers Union, baqala isiteleka ngoba bekhala ngokungavikeleki kubalandeli BE-IFP.

Phakathi kosaziwayo abazalwa ngalesi sikhathi sibala ubongiwe Msomi

(osesithombeni) ongumdlali we-netball wakuleli. Wazalelwa ethekwini, ngo-1988.