Kunamasu angakusiza ukugcina ukudla ngendlela efanele efrijini
ABANTU basebenzisa amafriji ukuze bagcine ukudla, izithelo noma imifino kungonakali. Kunendlela okumele ukudla noma izinto ezigcinwa efrijini zihlale ngayo ukuze zingangenwa ngamagciwane.
Konke ukudla kufanele kusongwe, kumbozwe noma kufakwe ezitsheni, ifriji akumele ligcwale kakhulu.
Kusemqoka ukuthi ukudla kufakwe ngokushesha efrijini. Ungabeki ukudla okuhlala efrijini ngaphandle kuze kuphele amahora amabili ngoba kuphenduka ubuthi. Uma uphuma kothenga, qiniseka ukuthi ufika ekhaya engakapheli amahora amabili ukufake efrijini.
Eshalofini elibandisayo kodwa elingenalo iqhwa, ungafaka ukudla okuzodliwa ngokushesha njengemikhiqizo enobisi, ukudla osekulungele ukudliwa, okusemathinini, okusalile, inyama ephekiwe namasaladi.
Eshalofini elineqhwa kufanele ugcine inyama eluhlaza, inhlanzi kodwa qaphela ukuthi kusezitsheni noma emaplastikini avimbela ukuthi kungathintani nokunye ukudla futhi uvikele ukuthi inyama ingashaywa wumoya.
Gwema ukuhlanganisa ama-aphula namapheya neminye imikhiqizo enjengemifino enamaqabunga. Igesi ye-ethylene ephuma kulezi zithelo yenza ukuthi eminye imikhiqizo ivuthwe noma yonakale ngokushesha.
Ukwatapheya, ama-aphula, bhanana, izithelo ezisawolintshi, amajikijolo, amapentshisi, ama-apricot, nama-nectarine kufanele agcinwe ngaphandle kwesiqandisi.
Ukufaka izithelo esiqandisini kudala ukuthi zilahlekelwe ukunambitheka kwazo. Kodwa-ke, ungakwazi ukufaka esiqandisini izithelo imizuzu engu-30 ngaphambi kokuzidla uma ufuna ukuzidla ziklamuzela.
Amazambane, bell peppers no-anyanisi.