Isolezwe
Kuzosungulwa inkampani ezobhekelela ezikahulumeni
K
ULINDELEKE ukuthi silunge isimo ezinkampanini zikahulumeni ngoba zonke sezizokwenganyelwa yinkampani eyodwa. Inkampani entsha ezobizwa ngokuthi yistate Asset Management Soc Ltd, izokwengamela idenel, Eskom, SA Post Office, CEF, Broadband Infraco, Airports Company South Africa, Air Traffic and Navidation Services, Sentech, South African Airways, South African Forestry Co, nesouth African Nuclear Energy Corp. Kuzokhumbuleka ukuthi ngonyaka odlule ungqongqoshe wamabhizinisi kahulumeni, umnuz Pravin Gordhan, wethula umthethosivivinywa obizwa ngestate Owned Enterprise Bill (SOE Bill). Umthetho uhlongoza ukuthi zonke izinkampani zikahulumeni zenganyelwe yinkampani eyodwa ezoba nebhodi elizimele. Bekuvulelwe umphakathi ithuba lokuphawula ngalokhu. Ugordhan wathi bethula ISOE Bill ngoba befuna ukuletha uzinzo ezinkampanini zikahulumeni, ukugwema ukuthi zihlale zitakulwa obishini. Kulindeleke ukuthi inkampani enkulu ibe nebhodi elizimele, elizoqapha ngeso lokhozi konke okwenzeka ezinkampanini zikahulumeni. Embhalweni oshicilelwe esazisweni sikahulumeni i-government gazette yale nyanga, kubikwe ukuthi izoba yinkampani ezimele izoba nabantu abanamakhono ehlukene. Ukungena ebhodini lenkampani entsha kahulumeni kuzoba nemigomo enzima ngoba kuzohlolwa iziqu, ulwazi namakhono abantu abafisa ukungena kulo. Konke lokhu kuthiwa kwenzelwa ukuthi izinkampani zikahulumeni zikwazi ukuzingenisela imali. Njengamanje izimayini nezinye izinkampani ezizimele zikhala ngezinkinga zamaguzu, ezamachweba nezinkinga zikagesi.