Umabasa nethuba lokudla isikimu kwipirates
Kabahambe
UKHONA okusina kujeqeza abagadli be-orlando Pirates
nebafana Bafana kwi-africa Cup of Nations
(Afcon) kulandela ukubuyisa kwaleli qembu singakafiki isikhathi sesivumelwano utshegofatso Mabasa, ebimbolekise kwimoroka Swallows esematheni ngezindaba ezimbi kulezi zinsuku.
U-evidence Makgopa nozakhele Lepasa, abamele iningizimu Afrika e-ivory
Coast, ngeke babenalo ithuba lokuzithambisa kumbe ukucasha ngokukhathazwa yi-afcon uma sezibuyela enkundleni ngenyanga ezayo kwidstv Premiership kwazise bazobe sebenembangi entsha.
Inkinga ngale mbangi ukuthi zingcono kakhulu izibalo zayo zamagoli uma ziqhathaniswa nezimakgopa nolepasa kusukela kuqale isizini ka-2023/2024.
Ipirates imemezele izolo ukuthi isayinise uthabiso Lebitso obekwichippa United nothalente Mbatha obedlala kwisupersport United.
Ngesikhathi esifanayo ibucs iqinisekise ukuhlukana kwayo nomgadli wasecameroon, ubinevenu Eva Nga, yabuyisa umabasa ebimboleke iswallows kuze kube sekupheleni kwesizini yedstv Premiership ka-2023/2024.
Izinkinga zemali ziphoqe iswallows ukuba ihlukane nabadlali abaningi osekungumlando ukuthi udaba selungenwe yinyunyana yabadlali, isouth African
Football Players Union (Safpu). Kungenzeka lugcine enkantolo.
Umabasa ubuya nje ubetshelwe ukuthi akekho ezinhlelweni zomqeqeshi, ujose Riveiro, ngasekuqaleni kwesizini. Unikwe iswallows lapho efike khona waqhulula amagoli zisuka.
Kuze kube imanje ngulucas Ribeiro wemamelodi Sundowns onamagoli ayisikhombisa eligi kuphela ongcono ngamagoli kunomabasa onayisithupha. Uribeiro useshaye inethi izikhawu eziyisikhombisa kule sizini.
Umakgopa, okunguyena obukeka sengathi uyintandokazi kariveiro emidlalweni yakamuva, usashayele ipirates amagoli amane emidlalweni engu-13 yeligi okuyisibalo esifanayo nesikamabasa oshaye ayisithupha.
Ulepasa wehlelwe yifomu uma uqhathanisa neyangesizini edlule. Usashayele ibucs amagoli amabili kuphela emidlalweni engu-12.
Bobabili laba bagadli bangase bapheshukelwe isikimu uma kungukuthi iyaqhubeka ifomu kamabasa kweyeligi kwipirates uma ezodlaliswa. Njengoba umakgopa nolepasa bekwiafcon, umabasa unesikhathi esanele sokukhombisa uriveiro ukuthi wenze iphutha ngokombolekisa kwiswallows. Uma lokhu ekwenze kahle, kuzosho ukuphenduka ukudla kwebhentshi kumakgopa nolepasa osekunesikhathi egcinile ukushaya igoli kwezimnyama.