Izinkanyezi

2024-02-07 -

ARIES: Mar 21 - Apr 19

KUZOMELE ulungisele ukusebenza kanzima, uzimisele ukuze ufinyelele esigabeni esingaphezulu kokusona. Yisikhathi sokwenza izinguquko empilweni yakho.

TAURUS: Apr 20 - May 20

ABANGANI osondelene nabo bazokweseka, ungangabazi ukuveza usizo kubona uma uludinga. Uzokwazi ukuthola abangani abasha uma nabo ubadinga futhi ufisa ukukhulisa impilo yakho kwezokungcebeleka.

GEMINI: May 21 - Jun 20

KUZOKUSIZA ukuba uhlale uhlolisisa unembeza wakho. Kuzomele wenze izinto ngendlela yakho kodwa qaphela ukuthi awubanyatheli abantu amakhona. Impilo yakho izohleleka kakhulu uma uzokwenza izinhlelo ezinqala ozosebenza ngazo.

CANCER: Jun 21 - Jul 22

YISIKHATHI sokuba usebenze ngokuzimisela, amaphupho akho azofezeka nemibono yakho izothola ukwesekwa. Zimisele ngakho konke ukuze uthole imiphumela emihle ezokwanelisa futhi ikuthokozise.

LEO: Jul 23 - Aug 22

KUNGENZEKA ukuthi unothando lwezobuciko, yisikhathi sokuba uveze amakhono akho abonakale ungazenyezi.

Ungase ungene kwezikaqesizungu noma kwezokunakekela ngalesi sikhathi.

VIRGO: Aug 23 - Sep 22

YIBA neqiniso kuwena wenze konke okusemandleni akho. Uma unesiqiniseko sokuthi wenze konke okufanele, awudingi ukuba uzixake ngokuthi abanye bathini ngawe. Uma wenze okufanele futhi ukwenze ngendlela, bazoba ngakuwena.

LIBRA: Sep 23 - Oct 22

IMPILO kufanele uyithathe njengoba injalo futhi ungabi nokwesaba. Kungcono ukhethe ukwazi ukuthi impilo iyini uma unokudideka. Unezinto ezimqoka okumele uzenze.

Yenza lokho okufisayo uzimisele bese uthokozela imiphumela oyitholayo.

SCORPIO: Oct 23 - Nov 21

UMQONDO wakho awuvuleleke ngoba lokho kuzokubeka endleleni ebheke empumelelweni. Uzomangala ukubona ukuthi unekhono nawe kwezobuciko, ngakho liveze. Yenza isiqiniseko sokuthi uyabonakala.

SAGITTARIUS: Nov 22- Dec 20

KHETHA ukuphila impilo ngendlela efanele. Yenza uhlelo lokudla okunempilo, ugweme izinto ezingakuphatha kabi. Bhekisisa konke okudlayo ukuze uphile kahle. Zivocavoce, umzimba wakho uhlale usebenza ukuze uhlale uphilile.

CAPRICORN: Dec 22 - Jan 21

ABANTU abakwazi ukukulekelela yibona okumele uzibandakanye nabo. Uzokwazi ukuba wenze ngcono kukhona konke okwenzayo nalokho ozimisele ngakho. Zimisele ukuze uthole ulwazi futhi uhlale uthokozile njengamanje.

AQUARIUS: Jan 21 - Feb 19

NGEKE ukwazi ukwaneliseka nokwamukela ukungakwazi ukuncintisana nabanye njengamanje. Ukuzimisela uma ufisa ukunqoba yikhona okuzokunika amandla okunqoba izitha zakho.

Ukuphumelela kwakho kulele ekuzimiseleni kwakho.

PISCES: Feb 19 - Mar 20

THUTHUKISA ulwazi lwakho ngokuba ufunde ngalokho okuthize okade wawufuna ukuthola ulwazi ngakho. Bheka ikusasa futhi uzibeke ethubeni lokuba uphumelele ngokuba uzithuthukise kwezemfundo.