Ulinda Sibiya kubalingisi abasha kuzalo
OWAYEYISILOMO sokhozi FM, ulinda
"Mr Magic" Sibiya, uzobonakala emdlalweni wethelevishini owuchungechunge nohamba phambili eningizimu Afrika, Uzalo.
Lezi zindaba ziqinisekiswe nguye umr Magic esezindlini okuqoshelwa kuzo le ntandokazi yomdlalo ekhonjiswa KWI-SABC1 phakathi nezinsuku ngo-8.30 ebusuku.
Uthe uzobe engulinda Sibiya futhi ebambe iqhaza kwikmash FM, okuwumsakazo
wakulo mdlalo.
"Unganyakazi, wubukele noma kanjani uzombona ulinda Sibiya." Kulesi siteshi uzoficana nodj Nzwiri nobabe Cele ongugabisile kuzalo.
Kulo mdlalo kulindeleke ukuthi kuqale isizini entsha yeshumi ngolwesihlanu.
Kuyona kuzobonakala abalingisi abasha okukhona kubo umnqobi Kunene, ozobe elingisa indawo kageja, Bandile Maphalala (Hawu), Vusi Mdiniso (Sgidi), Lungani Mabaso (Phefeni), Faith Mgobhozi (Nokuthula) nontando Mncube ozobe elingisa indawo ka-evangelist Sakhile
Sibiya.
Uking David Mukwevho onguphrojusa walo mdlalo, uthe ukufika kwisizini yeshumi kubo kusho uhambo olude asebeluhambile ngalo mdlalo njengoba ubalwa nehamba phambili.
Uthe nakule sizini entsha bazoqhubeka ukulethela ababukeli balo mdlalo lokhu abakufunayo ukuze baqhubeke nokuwuthakasela.
Inkonyane izobe ingathuki isisinga kumr
Magic emkhakheni wokulingisa njengoba ngo2012 wake walingisa efilimini kandaba kangwane eyayisihloko sithi Uhlanga:
The Mark. Kule filimu wayelingisa indawo kamandla Thabethe owayeziphilisa ngokudayisa ubhanana esitimeleni ngaphambi kokutohoza efemini yomoba.
Ekhuluma ngale filimu, umr Magic wathi wakujabulela kakhulu ngesikhathi kuthiwa akazolingisa indawo kathabethe ngoba wayeyazi impilo ayeyiphila njengoba naye akhulela emndenini owawudla imbuya ngothi nokwamphoqa ukuba aziphilise ngokudayisa amaphula noswidi esitimeleni.
"Umandla wayeyinhlekisa emphakathini kodwa ekholelwa ukuthi isimo sizokuba ngcono."
Le nsizwa ebuye yethule izinhlelo kwimoja Love seyigxile kwipolitiki njengoba isanda kujoyina iqembu eliholwa ngujulius Malema, i-economic Freedom Fighters.
Ngaphandle kwalokho umr Magic ubuye abe nesikhungo esiqeqesha abanothando lokusakaza, i-magic Broadcasting
Academy. U-MR Magic useke wasakaza kwivuma FM nakwimvula FM yasenewcastle futhi useke wethula nohlelo lwethelevishini Ezodumo KWISABC1.