Izinkanyezi
ARIES: Mar 21 - Apr 19
UKUZIBUKELA phansi kuzophazamisa imizamo yakho ngoba uzoqhudelana nabasezingeni eliphezulu kunawe. Uzoba manqika. Kepha kumele uqine idolo ukuze ukwazi ukumelana nalesi simo.
TAURUS: Apr 21 - May 20
ZINIKE isikhathi esanele ngoba kuzomele wenze okwengeziwe futhi obukade ungakulindele. Kunesimo okuzophoqeleka ukuthi ubhekane naso.
GEMINI: May 21 - Jun 20
IMIDLINZO ibulala ingqondo yakho. Kunesizathu esidala ukuthi ziqonge izinkinga zakho esikhundleni sokuthi uzixazulule. Osomathuba bazozama ukukusebenzisa uma wehluleka ukuzicabangela nokuzinakekela.
CANCER: Jun 21 - Jul 22
ISIMO siyakuphoqa ukuthi wenze izinto ngendlela ehlukile futhi ngokushesha. Uzoqala ubone abanye abantu ngenye indlela ehlukile. Uzoba nokwesaba kodwa ekugcineni izokumangaza imiphumela.
LEO: Jul 23 - Aug 22
LIZOBONAKALA igalelo lakho ebudlelwaneni kanti uzosimama emsebenzini nemali izokwanda. Zikuhambela kahle izinto othandweni. Ungakhohlwa wukuthi uma uthola uthando kudingeka ube nesineke futhi uluphathe kahle.
VIRGO: Aug 23 - Sep 22
KUNGENZEKA ufune indlela yokubaleka ngoba usubona ukuthi uthathe isinqumo esingesihle. Kukhona ongeke ukwamukele ngakho kuzomele ushintshe umqondo. Kungakuhle ukuthi uzame ukuphuma ogibeni ngendlela engeke ikufake obishini.
LIBRA: Sep 23 - Oct 22
UZOBONA inzima impilo ekhaya futhi ikufakela ingcindezi ngoba akukho ukuvumelana phakathi kwakho nobathandayo. Mhlawumbe kunezinqumo okumele nizithathe nigweme ukuthi nihlukane phakathi. Ukuhlukana kwesizukulwane yikona okwenza kube negebe.
SCORPIO: Oct 23 - Nov 21
UKUNGAZINAKEKELI izinto ezilungile ebudlelwaneni bakho yikho okwenza buphele kabi. Ngabe kukhona oseceleni owenza kungahambi kahle noma ukuziphatha kwakho nophathini wakho? Ubudlelwano ozobuqala manje ngeke buhambe kahle futhi kungenzeka buphele kungekuhle.
SAGITTARIUS: Nov 22 - Dec 21
YEKELA ukuzikhathaza ngezinto ezincane. Yeka ukuba nenhliziyo ehluthukayo nokungakwazi ukubekezelela abakusizayo. Uzoyifaka engcupheni impilo yakho uma uzinika umsebenzi omningi. Kumele ukwazi ukulinganisa isikhathi somsebenzi nesokuphumula.
CAPRICORN: Dec 22 - Jan 19
IZINTO zizoba nzima uma usebenzisana nomuntu ongakwazi ukumelana nomsebenzi abhekene nawo.
Qinisekisa ukuthi owakho umsebenzi uyawenzisisa futhi ngesikhathi esifanele. Qaphela ukuthi isimo esingesihle siyaxazululeka.
AQUARIUS: Jan 20 - Feb 18
IMIBONO yakho nendlela owenza ngayo izinto kumele ukugcine kuyimfihlo ngaphambi kokuthi ukubikele abanye abantu. Kukhona abazofuna ukusebenzisa imibono yakho ukuze kuzuze bona.
PISCES: Feb 19 - Mar 20
UNGAKUVUMELI ukusatshiswa abantu ongabazi. Kumele uhambe ngokuzethemba endleleni yakho futhi ngeke uhambe wedwa uma ukhuleka.
OKWENZEKA NGALOLU
SUKU: Ngo-1989 kwadlula emhlabeni isishoshovu somzabalazo nomsunguli WE-ANC Women’s League (ANCWL), ulillian Ngoyi. Wadlula emhlabeni eneminyaka engu-68.
Phakathi kosaziwayo abazalwa ngalolu suku sibala ukhanya Mkangisa (osesithombeni) ongumlingisi futhi ongumethuli wezinhlelo zethelevishini. Wazalwa ngo-1988 epeddie, ngase-east London.