Iyabukeka futhi ifakwe okuningi i-isuzu X-rider entsha
NGEMUVA kweminyaka emithathu kwethulwa i-isuzu D-max entsha eningizimu Afrika, isilanyaniswe ngex-rider eyafika ngedumela.
I-D-MAX ekhona njengamanje yinhlobo yesikhombisa futhi yakhiwa efemini yakwa-isuzu Motors South Africa egqeberha.
Nayo ix-rider yakhiwa kuyo le femu futhi isuselwe kwid-max LS engena ngaphansi kwelse nev-cross.
Ngaphambi kokungena kuyo, angikukhumbuze ukuthi ix-rider iqale ukuba khona ngo-2016. Ngaleso sikhathi yayethulwe njengeyekhethelo kodwa isasasa elakhonjiswa amakhasimende laphoqa ukuthi kwa-isuzu bayenze ibe yimoto ekhona ngokugcwele ohlwini lwamad-max.
Njengoba isuselwe kwils nje, abakwenzile wukuyishuna nokwengeza izinto okumele uthasisele imali uma uzifuna kwils.
Ngaphambili i-grille imnyama futhi iyacwebezela. Iphinde ibe namaled headlights, daytime running lights nama-fog lights ezansi.
Ezinhlangothini amarimu awawona u-17 inch kodwa angu18 inch kuthi ngemuva igama layo libe mnyama.
Ngemuva kune-towbar edonsa isisindo esingu-2 100kg.
Isikhenke sinekhava enguseyili futhi ngaphakathi kungaba kuhle wengeze irabha ukuze ingaklwebheki.
Okuphinde kwengeze ubuhle bayo yimibala ehlukile okungomhlophe, osiliva, obomvu no-grey.
Yize amasondo emakhudlwana kodwa i-ground clearance isengu-227mm hhayi u-232mm njengamanye ama-dmax anamarimu angu-18 inch.*
Ngaphakathi ikunika umuzwa wesport Utility Vehicle njengoba ukhangwa yizihlalo zesikhumba eziqoshwe u-x ezingahlelwa ngogesi. Kukhona nomhlobiso obhalwe u-x kwidashboard. Kuphinde kube ne-touchscreen infotainment system engu-7 inch odlala khona umsakazo, ubona ingemuva uma uhlehla futhi uxhume iselula ngebluetooth okanye i-apple Carplay.
Ngaphansi kwebhonethi bafake injini eyongayo kadizili engu-1.9 litre. Ethangini elingu-76 litres bathi idla 7.4l/100km. Yiyo le njini ekwid-max eyathatha uhambo isuka egoli ilibhekise ekapa ngethangi elilodwa.
Inamandla angu-110kw ne-torque engu-350nm. Kukhona eno-gearbox oyi-6 speed manual noyi-6 speed auto.
Ngesikhathi siyishayela egeorge, ewesten Cape, lapho beyethulwa khona amandla ebezwakala enele. Ngithe ngijeqeza udizili yangivezela ukuthi ngingahamba ibanga elingaphezu kuka-800 ngethangi.
Ngihambe ngezishintshayo futhi amagiya ibiwafaka kahle ngaphandle kwenkinga. Yize imigwaqo ebesihamba kuyo ibingemibi kodwa uma ubuye uhambe ogwadule ikhona eyi-4x4. Zombili i-4x2 ne-4x4 zinediff lock.
Ezokupheha zihlanganisa ukuthi ingahlehli uma isuka, cruise control, ama-airbag ngaphakathi, ama-sensor ngemuva nokunye.
Intengo:
Isuzu 1.9 X-rider - R640 500 Isuzu 1.9 X-rider A/T - R659
Isuzu 1.9 X-rider 4x4 A/T R740 700
Zifika ne-warranty yeminyaka emihlanu noma u-120 000km, service plan yeminyaka emihlanu noma u-90 000km ne anti-corrosion warranty yeminyaka emihlanu.