Awesafa ethekwini Hollywoodbets avivela umqhudelwano wephasika

AMAQEMBU asembangweni wesicoco seligi kwisafa ethekwini Hollywoodbets Men’s Regional League azoya emqhudelwaneni wephasika ehambela phezulu kulandela ukuthola imiphumela ewavunayo ngempelasonto.

Kusaminyene utshumo emaqenjini kastream A nostream B kule ligi njengoba zijahana eduze ngamaphuzu kanti sekusele imidlalo eyisishiyagalolunye kuphela isongwe isizini ka-2023/2024.

Kwi-log kastream A

IDUT iyona ezihola phambili ngamaphuzu awu-54 emidlalweni ewu-25, ilandelwa yilongroft Falcons ngawu-52 emidlalweni elinganayo.

Kustream B Umlazi

Young Lions iyona esazihola phambili ngamaphuzu awu-60 emidlalweni ewu-25, ilandelwa eduze yicherrians FC ngawu-59 emidlalweni elinganayo.

Ngempelasono IDUT ibuye namaphuzu abalulekile ibhaxabula ispartak Durban FC ngo 4-0, iyoung Lions nayo yabuya namaphuzu ishaya i-united XI FC ngo 2-1.

Imidlalo yakulesi sigaba kulindeleke ukuthi isongwe ekupheleni kukajuni, bese amaqembu amabili okuyiwona azobe edle umhlanganiso kustream A nakustream B, adlane imilala kumaplay-off esifunda okuhlunga iqembu elizomela isifunda itheku kweyesifundazwe okumele kuphume amaqembu amabili okuyiwona azokhushulelwa kwisafa Kwazulu-natal ABC Motsepe League.

Nokho la maqembu esafa ethekwini namanye akwezinye izigaba, azoke athi gozololo ngemidlalo yeligi, aze abuyele kuyona ngo-ephreli 6.

Kule mpelasonto yephasika amaqembu abesilisa nawesifazane aphuma kumalocal Football Association (LFA) angu-21 angaphansi kwesafa ethekwini, azodlana imilala emqhudelwaneni webhola Isolezwe Cup.

Le midlalo izobanjelwa ezinkundleni zase-university of Kwazulu-natal, ethekwini ngomashi 30, nasehoy Park ngomashi 31 no-ephreli 1.

Yize iyoung Lions ingeke idlale kwisolezwe kodwa izimbangi zayo icherrians FC zona zizobe zidlala kulo mqhudelwano.

Lo mqhudelwano womkhumulajezi osungulwe ngo2022 nongadlalwanga nyakenye, ukhuza ibuya kulo nyaka.

Iqembu elivikela isicoco yithekwini Coastal eyadla ubhedu kwabesilisa, kwabesifazane yikwamashu Ladies eyadla umhlanganiso.

Imiphumela yangempelasonto yesafa ethekwini Hollywoodbets Men’s Regional League: Kustream A:

Newlands FC 0-1 Inanda Real Stars; Sotobe FC 2-2 Ulwandle FC; Spain FC 1-0 D B S FC; KZN Academy 5-3 FUBS; Thekwini City Styles 0-1 Longroft Falcons; Golden Arrows 5-4 38 Avenue FC; Amandla FC 2-1 Real Touch 2-1; DUT 4-0 Spartak Durban FC Kustream B:

Mophela 3-1 Magabheni Stars; Cherrians FC 3-1 Nazareth FC; United XI FC 1-2 Umlazi Young Lions; Brazil Academy 3-1 Manning Rangers