Siyavota kodwa akusiyo into yethu ukukhetha
MHLELI: Ukube u(mnuz Jacob) Zuma wayazi ukuthi uzobuye afune ukuba umengameli futhi wayeyobhekana no(jaji Raymond) Zondo, hhayi elokhu emgwegwesa.
Umengameli wangempela akathi uma ebhekene nendaba zakhe, abaleke aze ayoziphonsa ekhulukuthu kungafanele.
Wabalekela uzondo kodwa ngakolunye uhlangothi umbeka amabala. Nangu ubill Clinton wasolwa ngokuthinta owesifazane ngokungafanele, waqonda enkantolo wazikhulumela. Akazange elokhu ecasha ngesithupha ethi angenzanga lokhu engekho enkantolo.
Bona uma bengafuni ukuya enkantolo, bathi akuye bani, thina? Kukhona abantu abanegazi legolide lapha eningizimu Afrika, uma liphumile kuncanyelwa ukuthi kuwe ngisho umnotho ngomuntu oyedwa vo?
Sengike ngizibuze ukuthi mhlawumbe siyagulelwa abantu ngengqondo yini. No(mnuz Julius) Malema ukulesi simo nje nguye owabeka upresident, saba nomtapo nguye umalema - usengaphika nje ehambe ekhohlisa abantu naye uye owathi “I will die for Zuma”.
Inyoka ilimisile ikhanda, igqwaphaza noma ubani ophambi kwayo, imikhuba yabathize ababezitshela ukuthi basile abasadukisa abanye namanje. Ukhaphele bona laba ebebethi “ubaba”. Amadoda amadala anamakhosikazi angobaba, abiza enye indoda ngobaba.
Baningi abangaboni ukuthi isitimela siphume okokugcina kujantshi, bayahleka.
Uhleka uphakathi ukuthi isitimela sigeje umzila waso ubona sesinqike ngodonga ukuthi kanti siseweni. Isitimela kudala saphuma kujantshi kodwa kukhona abasasizwa sihamba kuwona. Kungenzeka baphuze iziphuzo, amehlo awasaboni kahle ukuthi siyongena ehlathini.
Ikakhulukazi intsha yiyo eningi kodwa yiyo futhi ebuye izifake obishini. Kungoba iningi layo alazi ukuthi kuvotelwani. Kukhona evotela iqolo, kukhona evotela ama- ARVS, o-r350 NE-NSFAS.
Ngaphandle kwalokho ziyaduma-ke emakhanda, sebengazishayela amabhodlela aluhlaza nansundu.
Engingakusho ukuthi abaholi bethu balidukisile izwe, futhi basazimisele ngokuthi balifake ehlathini okokugcina ngoba sesivumile ukuthi liye khona ehlathini. Angathi umuntu esebhekene nenkinga abalekele inkantolo ngoba nje efuna ukuzwelwa?
Uma abantu bethi ingane yakho oyithandayo igangile uyayiphikela, babona ngoba isibajikele ukuthi kanti inje le ngane.
Ekuvoteni nje siyefana nabalandeli bebhola, silandela into noma isiboza lokhu okokugcina ngci, sizitshele ukuthi isazobuya kanti lutho eluthela.
Iningi labantu bala eningizimu Afrika inyanga nenyanga mhlawumpe ubanciphisele nogesi ne-transport ngeke kodwa bakuvotele ngendlela nje abangakwazi ukuvota ngayo.
Nenhlangano esuke iwinile, iziwinela nje ngokuthandwa, hhayi ngoba kukhona evotelelwe khona. Uma ungabuza ukuthi uvoteleni, bangathi ngizwe nami bethi bavotele lona nami ngamvotela.
Siyavota kodwa akusiyo into yethu, kubonakala nangokupatanisa ukuphatha izwe. Ube yimfundamakwela iminyaka engu-30!