Izinkanyezi
ARIES: Mar 21 - Apr 19
KUBALULEKILE ukuthi ujabule ukhombise nokukuthakasela onakho. Lesi yisikhathi sokujabula ngakho lindela noma yini. Ukuhlala ujabulile kuzokwakhela ugazi.
TAURUS: Apr 20 - May 20
YINAKEKELE impilo yakho uhlale uhlanzekile ubukeke kahle ngaso sonke isikhathi ukuze uphumelele ebhizinisini. Amandla nesikhathi sakho kufanele ukusebenzise ngendlela efanele ngakho yiba nendlela ozosebenza ngayo ugxile kuyo.
GEMINI: May 21 - Jun 20
YISIKHATHI esithembisayo sokufika esivumelwaneni ngezingxoxo ozoba nazo. Uzophumelela ebhizinisini noma emsebenzini uma usebenza. Kukuhambela kahle emsebenzini, kuningi ozokuzuza uma usebenzisa ukuxhumana ngendlela efanele.
CANCER: Jun 21 - Jul 22
YENZA lesi sikhathi kube esibalulekile ngokufunda emaphutheni owenzile phambilini. Kuningi ozokuthola uma usebenzisa ulwazi onalo.
LEO: Jul 23 - Aug 22
YISIKHATHI sokucabanga kabanzi. Ungalinge uzame ukushintsha indlela owenza ngayo ngoba uzothola umvuzo omuhle.
VIRGO: Aug 23 - Sep 22
YIBA namagalelo amahle ebhizinisini nasemsebenzini njengoba usethubeni lokukhuphula igama lakho nokuzuzayo. Usenhlanhleni yokuthola umsebenzi uma ungasebenzi noma ufuna ukushintsha okwenzayo.
LIBRA: Sep 23 - Oct 22
AKUNZIMA ukuthola okufunayo nokuxazulula okudinga ukuxazululwa. Unawo amandla okwenza okumele ukwenze. Ngakho lesi yisikhathi sokuthi uzibuze ukuthi udingani.
SCORPIO: Oct 23 - Nov 21
ITHEMBA nomkhuleko kuzokuholela endleleni efanele, kuzokusiza ukubhekana nobunzima nokuzingabaza. Kumele uzethembe ukuze abantu bakholwe okushoyo.
SAGITTARIUS: Nov 22 - Dec 20
KUMELE ukholelwe kokwenzayo ukuze uphumelele empilweni. Yenza okuzoheha abanye abantu. Yiba nemibono emisha ukuze uzihlole ukuthi usenza okufanele yini.
CAPRICORN: Dec 22 - Jan 21.
ZIFUNDISE ukusebenzisa imali ngendlela efanele, okukhulu kunakho konke gwema ukuthenga izinto ezingenasidingo uma ufuna ukonga nokuvikeleka.
AQUARIUS: Jan 20 - Feb 18
KUNOKUHLE okufanele ukwenze okuzokuphumelelisa. Zihlanganise nabantu abazokusiza uqhubekele phambili.
PISCES: Feb 19 - Mar 20
BHEKANA nezinto zasekhaya nezomndeni wakho ngalesi sikhathi. Sebenzisa ulwazi olunzulu ukuze indlela ophila ngayo inijabulise njengoba lesi sikhathi kungesokuzithokozisa nomndeni.
OKWENZEKA NGALOLU SUKU: Ngo-1996 kwaqubuka udlame Kwazulu- Natal kubhaliselwa ukuvotela ukhetho lohulumeni basekhaya olwaluzoba ngomeyi, 29. Ngenxa yodlame ukhetho kwaphoqeleka ukuba luhlehliselwe ukuphela kukajuni. Isimemezelo sakhishwa owayengumengameli wezwe udkt Nelson Mandela kulandela umhlangano nekhabhinethi.
Phakathi kosaziwayo abazalwa ngalesi sikhathi sibala umanaka Ranaka (osesithombeni) ongumlingisi wakuleli.
Wazalelwa esoweto ngo-1979.