I-NFP isilulungele ukhetho oluzayo
MHLELI: Kwelakho eleqa imifula igcwele, angiqale ngibonge ngesikhala.
Njengamalungu eqembu umbutho we-national Freedom Party (NFP) sithi leli qembu selimi ngimumo ukuya okhethweni lukazwelonke nezifundazwe luka-2024.
Asingabazi futhi ukuthi sizokwenza kahle njengoba izinkumbi zabantu abangamalungu aleli qembu esaqhubeka nokulethemba.
Ngabe senza iphutha uma singabongi kuwo wonke amalungu eqembu ngokuhlala noma sekunzima kodwa avikela iqembu kuzo zonke izivunguvungu ezike zalehlela.
Sifisa ukukugcizelela futhi ukuthi njengoba siya okhethweni asiyile ukuyosinisa amahleza.
Siyokhuluma izinto abantu abafuna ukuzizwa futhi sizokwenza isiqiniseko sokuthi iqembu lilwela okufunwa ngabantu uma sesingene ephalamende ngaphansi kobuholi bukam engameli umnuz Ivan Barnes oyithemba lethu ukubuyisa uzinzo eqenjini lethu.
Sinxusa zonke izakhamizi zaseningizimu Afrika ukuthi zibambelele KU-NFP, yilona qembu elizoshintsha izimpilo zabantu.
MHLELI: Angithokoze ukuthola isikhala sokubhala kulo Isolezwe.
Ngibhala ngikhathazekile ngomsakazi wokhozi FM uzimiphi Biyela. Waze waziphatha budlabha udadewethu uzimdollar.
Isenzo sakhe asenze kumculi kamaskandi wakithi esimhloniphayo ngamagalelo akhe emculweni umthandeni “igcokama Elisha” Manqele asemukelekile neze. Uzimdollar ukhombise ukwedelela abalandeli bomculo, ukungabahloniphi nokungabancengi.
Amathikithi siwathengile saya kulo mcimbi we-mother of All Maskandi Festival ngoba sazi ukuthi siyobuka igcokama Elisha. Kodwa saphoxeka selidlaliswa kanzima, selixoshwa nguye uzimiphi Biyela.
Nakhu esifisa ukukwazi: Yini lena eyenza ukuthi izikhulu zomsakazo ukhozi FM zesabe kangaka ukumthathela izinyathelo zokum'qondisa ubugwegwe uzimiphi Biyela.
Lo mcimbi ubuxhaswe yilo Ukhozi FM kanti uzimdollar ungumsakazi walo. Uzokwethuka umculi onenqwaba yabalandeli kubuka izwe lonke.
Kodwa ukhozi FM lukwazi ukumnikeza isikhathi emoyeni sokuqhubeka adelele, akhulume angazihloniphi ohlelweni lwasekuseni olushayelwa usipho Mbatha nomroza Buthelezi.
Ngike ngaxhumana