GRIEKSE TUNA-WRAP

Genoeg vir 4 BESTANDDELE

Vir die vulsel 2 blikkies gevlokte tuna in water, gedreineer ½ ui, fyngekap of gerasper ¼ koppie swart olywe, ontpit en fyngekap ¼ koppie fetakaas, verkrummel 1 eetlepel suurlemoensap Gerasperde skil van 1 suurlemoen ½ koppie volroomjogurt Sout en varsgemaalde swartpeper na smaak Vir die samestelling 4 wraps Jongspinasie of enige blare van jou keuse 8 dwergtamaties (rosa, kersie of mini-pruim), in kwarte gesny

METODE

Meng al die bestanddele vir die vulsel in ’n bak en geur met sout en peper na smaak. Plaas ’n handvol blare in die middel van elke wrap en rangskik die tamatiekwarte bo-op. Verdeel die tunamengsel in 4 gelyke dele en skep bo-op. Rol die wraps versigtig toe, sny in die helfte deur en bedien onmiddellik.