GEMMER-EN-SOJAVLERKIES
Lewer 6 BESTANDDELE
¾ koppie sojasous 2 eetlepels gemmer, fyngerasper 800 g hoendervlerkies Vir die sataysous ½ blikkie (200 g) klappermelk 1 eetlepel gemmer, fyngerasper 1 teelepel knoffel, fyngekap ½ koppie grondboontjiebotter 2 eetlepels vissous ¼ koppie grondboontjies, gerooster en gekap Sout
METODE
Meng die sojasous en gemmer in ’n bak en voeg die vlerkies daarby. Masseer die sous goed in die vlerkies in. Laat marineer vir 30 minute. Vir die sous: Laat prut al die bestanddele daarvoor saam in ’n klein potjie vir 5 minute. Proe en geur na smaak met sout. Braai die vlerkies oor matige warm kole en drup voortdurend die oorblywende marinade daaroor tot taai en gaar. Bedien met die sous.