BEESVLEIS-EN-GROENTE

Genoeg vir 4 BESTANDDELE

400 g steak, in dun repies gesny 2 eetlepels Maizena 4 eetlepels sonneblomolie 1 teelepel knoffel, gerasper 2 teelepels gemmer, gerasper 1 brandrissie, gekap 3 eetlepels sojasous 2 eetlepels bruinsuiker 1 koppie jong-groenbone 1 koppie broccoli-blommetjies 2 handevol jongspinasie 2 koppies pak choi (opsioneel) Sesamsade, koljander en basil-blare vir garnering Witrys of noedels vir opdiening

METODE

Plaas die steak, Maizena, 2 eetlepels van die olie, knoffel, gemmer, brandrissie, sojasous en bruinsuiker saam in ’n plastiekbakkie. Roer deur, bedek met plastiek en laat rus vir 30 minute of oornag. Verhit die res van die olie in ’n kleefvrye pan. Braai die steak oor hoë hitte tot bruin en gaar. Skep uit en hou eenkant. Plaas die groente in dieselfde pan en roerbraai oor matige hitte tot gaar. Skep die steak terug in die pan, meng en garneer met koljander, basil en sesamsade. Bedien met witrys of noedels.