PIKANTE VOLSTRUIS-EN-APPELKOOS-BOBOTIE
Genoeg vir 4 – 6 BESTANDDELE
½ koppie droë appelkose, opgesny ½koppie beesvleisaftreksel 2 eetlepels olie 1 ui, gekap 2 knoffelhuisies, fyngekap 500 g volstruis maalvleis 2 wortels, gerasper 2 eetlepels kerriepasta 2 eetlepels chutney 4 eetlepels vars, gekapte koljander 2 eiers 1 koppie dubbelroom-jogurt Vars lourierblare (bay leaves) ½ koppie amandels, gekap 6 koppies gaar Spekko India Gate Basmati Rice Sout en peper
METODE
Verhit die oond tot 180° C. Meng die appelkose met die beesvleisaftreksel en hou eenkant. Verhit die olie en roerbraai die ui en knoffel tot deurskynend. Roer die maalvleis by en roerbraai vir nog 5 minute. Voeg die wortels en kerriepasta by en kook verder vir nog 5 minute. Roer die appelkose en beesvleisaftreksel by en kook stadig vir 20 minute. Roer die chutney en vars koljander by en geur na smaak. Skep die mengsel in ’n vuurvaste oondskottel. Klits die eiers en jogurt saam en geur met sout en peper. Bedek die maalvleis met die mengsel. Druk ’n paar lourierblare in die bolaag en strooi die amandels bo-oor. Bak vir 30 – 40 minute totdat die bolaag gaar is. Bedien met Spekko India Gate Basmati Rice. Anna Carolina Alberts het die resep vir Spekko ontwikkel.