OONDGEROOSTERDE BEET, LENSIE EN FETA SLAAI
Genoeg vir 4 BESTANDDELE
600 g klein beetjies 1 knoffelhuisie, fyngekap 2 eetlepels suiker 2 eetlepels balsemiek-asyn 3 eetlepels olyfolie 1 takkie vars roosmaryn 2 takkies vars tiemie Sout en peper na smaak 200 g IMBO bruin lensies, saggekook en gedreineer 1 rooi ui, opgesny 200 g Deense fetakaas, in blokkies gesny 2 teelepels vars Italiaanse pietersielie, fyngekap 2 eetlepels vars koljander, fyngekap 2 eetlepels beetblare, fyngekap 3 eetlepels granaatpitte Vir die slaaisous 1 teelepel Dijon-mosterd 1 teelepel suiker 2 eetlepels framboos-asyn of soortgelyk 3 eetlepels olyfolie Sout en varsgemaalde swartpeper
METODE
Blansjeer die beetjies in ’n pan met kokende water. Dreineer en sit eenkant om af te koel. Voorverhit die oond tot 180° C. Skil die beetjies, sny in kwarte en rangskik op ’n bakplaat. Klits die knoffel, suiker, asyn en olyfolie saam en bedruip die beet daarmee. Strooi die roosmaryn en tiemie bo-oor, geur met sout en peper en bak vir 20 – 25 minute tot die beetjies gaar is. Rangskik die beetjies in ’n mooi slaaibak, meng die IMBO-lensies, ui en die fetakaas by. Maak die slaaisous: Klits al die bestanddele saam en gooi oor die slaai. Garneer met die pietersielie, koljander, beetblare en die granaatpitte. PLUM het die resep vir IMBO ontwikkel. >>