GRENADELLA-YSKASTERTJIES

Lewer ongeveer 6 – 8 tertjies, afhangende van die grootte van jou glasies

BESTANDDELE

½ x pakkie gemmerkoekies 3 eetlepels botter 1 pakkie suurlemoenjellie 1½ koppies kookwater 1 x 390 g blik kondensmelk Pulp van 13 grenadellas

METODE

Maak die gemmerkoekies fyn en meng met die gesmelte botter. Verdeel die mengsel tussen 6 (of meer) klein glasies en stamp mooi vas op die bodem. Los die jelliepoeier in die kookwater op en laat staan om af te koel. Roer die kondensmelk en die grenadellapulp by die jellie en skep in die glasies. Plaas dit in die yskas. Dit behoort ná net ’n bietjie meer as ’n uur heeltemal gestol te wees.