MUVHANGO

WEEKDAE, SABC2 om 21:00

Nonny leen geld by Nthabeleng en Thandaza kry ’n ontstellende boodskap van Mulimisi, wie se voorspellings blykbaar bewaarheid word. ’n Geheimsinnige vreemdeling daag in Thathe op en Ranthumeng en Vusi steek ’n geheim weg vir Thandaza. Die nuwe gas in die koninklike huishouding steek geheime weg. Waarmee is sy besig? Pat hou nie daarvan dat ’n ander man sy vrou laat lag nie. Die polisie daag by die koninklike huishouding op om iemand in hegtenis te neem. Gizara weier dat Lerumo weer voorsitter van MMC word en Ranthumeng gaan voort met sy plan om vir Thandaza met ’n nuwe huis te verras. Susan (Maumela Mahuwa) het ’n nare droom en Moriti en Lerumo neem ’n moeilike besluit oor hul toekoms. Thifhelimbilu maak moeilikheid.

AG HEMEL TOG

Die skindertonge darem. Ander dag toe loop die storie weer dat Maumela Mahuwa, wat Susan speel, reg is om haar goedjies te pak en Muvhango te groet om glo prediker te gaan word. Laat Kuier nou maar die ware feite gee sodat daar vrede in die gemoedere kan wees. Maumela gaan nêrens heen nie.“Ja, sy preek wel en is ’n pastoor vir Omega Ministries in plattelandse gebiede in haar eie tyd, maar die aktrise gaan beslis nie weg uit die sepie nie, dis sommer bogstories,” het die sepie laat weet.

*Omnibus, Sondae, SABC2, 15:30