kookklas:

Hoender-Korma

Maak dié geurige en eksotiese hoenderdis

Genoeg vir 4

BESTANDDELE 8 hoenderstukke 1 koppie gewone jogurt 1 opgehoopte eetlepel knoffelpasta 1 opgehoopte eetlepel gemmerpasta 2 teelepels gemaalde koljandersade 2 eetlepels olie of ghee 10 swartpeperkorrels 10 groen kardamomsade 1 swart kardamomsaad (opsioneel) 10 naeltjies 1 kaneelstokkie of ’n paar stukkies cassia 1 stukkie mace (foelie) of 5 allspice-korrels 3 groen brandrissies, net so heel Sout en varsgemaalde swartpeper na smaak 1 middelslag ui, fyngekap ½ koppie hoenderaftreksel ½ koppie klappermelk 3 eetlepels geroosterde amandelvlokkies ¾ teelepel garam masala 1 teelepel suiker ’n Handvol varsgekapte kolanderblare METODE 1. Maak die hoenderstukke mooi skoon (jy kan die velle verwyder indien jy verkies). Meng die jogurt, knoffel- en gemmerpasta en fyn koljander saam en werk die mengsel met jou hande deur die hoenderstukke. Plaas in ’n glasbak, bedek en laat vir minstens 30 minute staan. 2. Verhit die olie of ghee in ’n swaarboomkastrol en braai al die heel speserye (swartpeperkorrels, kardamomsade, naeltjies, kaneelstokkie of cassia en mace of allspice) daarin. Voeg die ui, brandrissies en sout en peper by. 3. Voeg die hoender met marinade en al en die hoenderaftreksel by, verhoog die hitte en bring tot kookpunt. Bedek die pot, verlaag die hitte en laat vir ongeveer 35 minute lank prut. Roer af en toe. 4. Roer die amandels en klappermelk by en laat vir nog 5 minute onbedek kook. Roer die suiker, garam masala en vars koljander deur en nog sout en peper na smaak indien nodig. Bedien met rys of rotis.