wat werk!
Ons het raad vir vuil hempkrae, aangepakte stort en doen meer as die gewone met aartappels.
lesersWenke
Gekraakte eiers kan gekook word sonder dat dit breek. Hou dit vir ’n paar minute in ’n sif bo-oor stoom. ’n Velletjie word dan oor die kraak gevorm, wat verhoed dat dit kraak. Erïka van der Merwe, Brackenfell
As jou aartappels bietjie groen is, laat lê dit in soutwater. Dit trek dit uit. Rina Jacobs, Touwsrivier
Om wit handsakke of skoene skoon te maak, vryf dit met ’n lap wat in Dettol gedoop is. Jeanika Pretorius, Koue Bokkeveld
Smeer botter aan die bokant binne jou kastrol wanneer jy rys kook. Dit sal verhoed dat dit oorkook. Anna du Toit, Ceres
Jou veiligheidshek se sleutels lyk alkant dieselfde, so verf die bo-kant daarvan met ’n helder kleur nail polish. Geen gesukkel meer. Rita Hambley, Kleinmond
Om kouevleis vars te hou, draai dit eers toe in handdoekpapier en plaas dan in ’n lugdigte houer, voor jy dit in die yskas sit. Eben Steenkamp, Strand
Gebruik jou ou tunablikkies vir jou gaste wat rook om hul stompies in te gooi. Gertruida Lourens, Witbank
Krag is duur. Maak plastiekbottels vol water en plaas dit in die son. Nou het jy warm water om te bad en om mee op te was.
Henk Hilbrants, Kuilsrivier
Sny ’n rou aartappel en vryf dit oor die kosvlekke op jou hande om dit af te kry. Spoel dit dan af met water. Maria Fryer, Vredenburg
Drup ’n paar druppels lekkerruik-olie in die kartonsilinder van jou toiletpapier. Die geur word vrygestel elke keer wanneer jy die papier afrol. Cornelia van Loggenberg, Vereeniging
Draai wit kledingstukke soos dooprokke in bruinpapier toe. Dit sal nooit geel trek nie. Susan Smit, Roodepoort
Maak suurlemoensap, gooi dit in ysblokkiehouers en vries dit. Hou in die vrieskas vir koeldranke en water. Nadia Petersen, Jeffreysbaai
Plaas witasyn in ’n spuitkannetjie en spuit jou stort, bad en teëls daarmee. Vee dan af met klam lap. Avril Snyder, Genadendal