Ek wil net die Kuierspan ’n geseënde en voorspoedige 2015 toewens. Ek weet ons gaan vanjaar sommer lekker kuier by Kuier! Dankie vir die eerste Kuier vir die jaar. Ek het dit baie geniet, veral die binneblad (Stiltetyd vir 2015). Ek vind dit baie inspirerend! Ek het myne uitgehaal, gelamineer en teen my yskas geplak. Nou het ek ’n teksvers en tema vir elke maand waarop ek kan bou – dis sielskos!
CHARLENE CROWLEY
Nou besig om uit die Kaap terug na Gauteng te ry en ek het omtrent 10 Kuiers by my ma gekry wat ek nog nie gelees het nie. Ek gaan dit nou lekker rustig op die trip lees.
KARENWYNGAARD GADUKA
Nee kyk Kuier- mense, die langpad was nog nooit so lekker soos nou met die kwaai CD (Kaapse Klanke 2) nie! Ons kan nie’n favourite number kies nie, want hulle almal is ayoba! Dankie Kuier, julle is en sal altyd nommer 1 bly!!
MELISSA STEVENS ROMAIN
Baie dankie vir Valerie Deelman se rubriek (Wat die hart van vol is, 17 Desember 2014). Valerie se storie het soveel heimwee en herinneringe van my eie kinderjare na vore gebring. Ek het innerdaad soortgelyke kinderervarings meegemaak en te danke aan Kuier kon ek ook weereens my kinderjare herleef.
ROSELINE WAGNER CLIEVE
Wat ’n verblyding toe ek Maandag uit die werk kom en my Kuier lê en wag vir my op die tafel. Ek het dit alweer klaar gelees, van voor tot agter. Tans besig om die blokkiesraaisels in te vul. Kuier, julle is puik en beslis deel van my lewe, nou en vir ewig.
EVELYN SAULS