LENSIEBURGERS
Genoeg vir 6
BESTANDDELE
1 koppie gerasperde murgpampoentjie 1 ferm, ryprooi tamatie, fyngekap 1 koppie gaar lensies ¾ koppie gerasperde cheddarkaas 1 middelslag ui, fyngekap 1 eetlepel fyngekapte vars pietersielie (of 1½ teelepel droë pietersielie) Sout en varsgemaalde swatpeper na smaak ½ teelepel droë gemengde kruie ½ teelepel paprika ½ koppie bruismeel 2 eiers, geklits Olie vir vlakbraai
Vir die samestelling
6 hamburger-rolletjies 1 rooiui (of gewone ui), in dun skyfies gesny 1 tamatie, in skyfies gesny 1 paar dun skyfies komkommer Rocket-blare of enige blare van jou keuse
METODE
Meng al die bestanddele saam. Verhit die olie in ’n pan tot taamlik warm en skep eetlepels vol in die pan. Druk die mengsel effens plat in die pan en vorm ’n koekie ongeveer die grootte van ’n hamburger. Braai alkant tot goudbruin. Dreineer die gaar koekies op handdoekpapier en hou eenkant totdat jy al die koekies gebraai het. Sny die hamburgerrolletjies deur, rangskik die blare, uie-, tamatie-, en komkommerskyfies saam met die twee lensiekoekies boop elkeen. Bedien saam met chips of aartappelswiggies. Dis ook ’n heerlike maaltyd vir die kosblik.