EINDELOSE HOENDERPOT

Genoeg vir 4

BESTANDDELE 1 heel hoender 2 gekapte uie 3 knoffelhuisies, gekneus 1 vars gemmerknoets van ongeveer 3 cm, geskil en in blokkies gekap 3 gesnyde leeks (preie), net die wit gedeeltes 3 wortels, geskil en in muntstukkies gesny 3 aartappels, geskil en in blokkies gesny ’n Goeie handvol gekapte pietersielie 6 koppies hoenderaftreksel Sout en peper na smaak

METODE Plaas die hoender saam met die gekapte uie in ’n groot swaarboompot. Voeg die knoffel, gemmer, die res van die groente, pietersielie en aftreksel by. Bedek die pot en laat vir so ongeveer een tot een en ’n half uur kook. (Dit hang af van hoe groot jou hoender is.) Geur met sout en peper. Haal die hoender uit en plaas dit versigtig in ’n opdienskottel. Skep die groente met ’n gaatjieslepel uit sodat die sous in die pot agterbly en rangskik dit rondom die hoender. Jy kan nog ’n bietjie varsgekapte pietersielie byvoeg voordat jy dit opdien met brood, rys of mashed potatoes (kapokaartappels).