Jy kan winterdepressie beter hanteer
Voordat jy jouself diagnoseer as iemand wat aan winterdepressie ly en sommer enige medikasie gryp om beter te voel, gaan sien eers ’n mediese kenner vir ’n diagnose. Indien jy wel aan winterdepressie ly, is daar ’n paar goed wat jy kan doen om daardie somber gevoel beter te hanteer of uit die weg te ruim. Dit sluit die volgende in:
Indien moontlik, maak seker jy kry genoeg sonlig.
As ’n alternatief kan jy baie helder ligte in jou huis aanskaf. Sommige lyers vind dat om aan baie helder lig (ligterapie) blootgestel te word, is baie effektief.
Anti-depressante kan ook help dat jy van daardie grys gemoed ontslae raak.
Gaan sien jou mediese kenner, psigiater of ’n kliniese sielkundige om die beste medikasie (indien jy dit benodig) aan jou voor te skryf.
Probeer ook om vóór die winter sy gesig wys, te beplan oor hoe jy ’n beter of meer aangenamer winter kan ervaar. Doen dit deur afsprake te reël wat jou aan die buitelig en ook meer aan jou goeie vriende gaan blootstel. Om by ’n goeie ondersteuningsgroep aan te sluit, kan ook wondere vir jou gemoed doen.
Daar is ook baie liefdadigheidsprojekte waarby jy betrokke kan raak. Dink net hoe warm dit jou hart sal maak wanneer jy dit ’n gereelde instelling maak om warm sop aan haweloses uit te deel.
Jy kan ook gesonder happies aanskaf om seker te maak dat jy nie te veel ongewenste gewig gedurende die winter aansit nie.
Indien jy kan, beplan jou jaarlikse vakansie gedurende die winter en op ’n plek met warmer of somerweer.