Vra Dr. Genine
Afskeiding uit bors wek kommer Soek jy raad oor ’n mediese probleem?
SMS KUIER DOKTER en jou vraag na 32113 (R1 per SMS), of stuur ’n e-pos na kuier@kuier.co.za met DR GENINE in die onderwerplyn.
VBORS PLA Ek het in Februarie ’n mammogram laat doen. Die dokter het my verseker ek het net ’n bietjie limf in my regterbors, maar dié bors pyn vreeslik. Wanneer ek dit druk, kom daar donkergeel vloeistof uit. Moet ek bekommerd wees? Ek is byna 60 jaar oud, maar het geen vorige familie-geskiedenis van enige borskwale nie. BEKOMMERD
ABESTE BEKOMMERD Vir vroue wat nie borsvoed nie, is ’n afskeiding of vloeistof uit die borstepel (nipple), kommerwekkend. Wees gerus dat die meeste afskeidings (discharge) van die borstepel normaal is en nie as gevolg van kanker nie. Abnormale afskeidings is gewoonlik bloederig, kom net uit een van die borste en loop ook spontaan uit die bors, sonder om die bors te druk, stimuleer of irriteer. Normale afskeiding kom gewoonlik uit albei tepels en word vrygestel wanneer die tepels gedruk of gesuig word.
Sommige vroue wat baie bekommerd is oor vloeistof uit hul borstepel(s), kan dit vererger of selfs aanbring, omdat hulle die tepels aanhoudend druk om te kyk of daar vloeistof sal uitkom. In sulke gevalle moet dit liefs nie gedoen word nie, want die herhaalde aksie van druk stimuleer die bors om verder vloeistof af te skei. ’n Mens kan nie aan die kleur van die vloeistof besluit of dit normaal of abnormaal is nie. Die oorsake van normale tepelafskeiding is:
Swangerskap: Wanneer jy ophou borsvoed en stimulasie (soos bo verduidelik). Oorsake van abnormale tepelafskeiding sluit in:
Fibrosistiese veranderinge in die bors: Dit veroorsaak klonte en verdikking van die borsweefsel en kan jeuk, pynlik wees en selfs ’n afskeiding afgee.
Galactorrhea: Dis wanneer jou bors melk afskei, hoewel jy nie borsvoed nie. Dis nie ’n siekte nie, maar het vele oorsake, insluitend sekere medikasies, kruie, ’n onder
aktiewe skildklier, die gebruik van dagga of selfs ’n groeisel van die slymklier.
Infeksie: Dit gaan gewoonlik gepaard met pyn en inflammasie van die bors en kan ook as ’n abses voorkom.
Borsbuis-ekstasia: Dit kom gewoonlik in ouer vroue voor wat naby hul oorgangsjare (menopause) is. Die buisies in die borste verhard en vergroot en kan dan blokkeer en infeksie veroorsaak.
Groeisels in die buise van die bors: Dit word ’n papilloom (uitgroeisel van die vel of slymvlies) genoem en is nie kwaadaardig nie. Dis die mees algemene oorsaak van tepelafskeiding.
Borskanker: Die afskeiding kom gewoonlik voor met ’n klont in die bors of as jou mammogram abnormaal is. Dit is baie selde en baie ongewoon dat kanker die oorsaak van ’n tepelafskeiding is.
In die geval van die leser wat byna 60 jaar oud is, kan haar tepelafskeiding as gevolg van borsinfeksie, fibrosistiese veranderinge of selfs borsbuis-ekstasia wees. Raadpleeg ’n dokter of verpleegkundige vir verdere ondersoek. Dit mag die volgende behels:
•
Bloedtoetse sal gedoen word en ’n monster van die afskeiding sal ook na die laboratorium gestuur word vir verdere toetse.
’n Mammogram en dalk miskien ook ’n sonar van albei borste. Dalk ’n brein-scan. Chirurgie waar die betrokke buis uitgesny en vir verdere toetse gestuur word.