SNOEKKERRIE
Genoeg vir 6
BESTANDDELE
1 kg vars snoek, in mootjies gesny Sout en varsgemaalde swartpeper na smaak Sap van ½ suurlemoen 3 eetlepels olie (olyf-, canola- of sonneblomolie) 3 uie, fyngekap 3 knoffelt oontjies, gekneus en fyngekap 1 eetlepel kerriepoeier 1 teelepel borrie 1 eetlepel koekmeel 1 koppie water 3 heel allspice (wonderpeperkorrels) 1 bay leaf (lourierblaar) 1 eetlepel fyn appelkooskonfyt 1 teelepel asyn 4 teelepels suiker
METODE
Plaas die snoek in ’n glas- of plastiekbak en geur met die sout en peper. Bedruip met die suurlemoensap en hou eenkant. Verhit die olie in ’n swaarboomkastrol en braai die ui liggies oor matige hitte tot sag en deurskynend. Voeg die knoffel by en braai vir nog ’n minuut of twee. Roer die kerriepoeier en borrie by. Strooi die koekmeel oor en meng goed. Voeg die water by en bring tot kookpunt. Verlaag die hitte en voeg die snoek, allspice en bay leaf by. Bedek die pot en laat vir ongeveer 15 minute liggies prut. Meng die appelkooskonfyt, asyn en suiker en roer by die pot in. Laat vir nog 15 minute prut terwyl jy af en toe roer. Voeg nog sout en peper by indien nodig en bedien op witrys.
WENK: Jy hoef nie noodwendig snoek te gebruik nie – enige ander ferm, witvis sal netso goed werk.